Nehˆ sahˇ paˇ-aˇ shuˇ g’aˇ pyeuˆ ta?

1. Nehˆ sahˇ paˇ lehˇ-ehˇ eu aˇ, Aˇ tsawˇ-ahˇ ja bu ja doeˇ-eu gaˇ-ehˇ-eu meh. Saˇ daˇ lehˇ-ehˇ eu aˇ, Muiˇ-eu g’aˇ maˇ ngeuˇ naˇ, ceh dzaˇ-eu yaw sahˇ-ahˇ ehˇ-eu meh. Heu-aˇ Miˇ Yehˇ-ahˇ muiˇ-eu yaw sahˇ-euˇ tsawˇ myahˇ meh. Aˇ dahˇ beh ngeh byah dui dui-euˇ mˇ taˆ g’aˇ k’ehˇ tiˇ g’aˇ pyeuˆ-awˇ Miˇ Yehˇ nehˇ ehˇ jawˇ-eu meh. Ehˇ k’awˆ tiˇ nah keuˆ laˇ ngeh, aˇ yawˆ yawˇ haˇ yawˇ ha huiˇ mawˆ-eu uˇ taˆ aˇ yawˆ-ahˇ uˇ duˇ bi tahˇ mawˆ -eu meh.–Maˇ theˇ 4:8-10.

2. Mˇ taˆ g’aˇ k’ehˇ saˇ daˇ, aˇ lawˇ-ahˇ g’oe-awˇ, Eˇ baˆ Miˇ Yehˇ-euˇ dawˇ-ahˇ maˇ bi naˇ haˇ ni, dzaˇ myawˆ myawˆ nehˇ-euˇ meh. Teu baˇ da neh saˇ daˇ-aˇ Miˇ Yehˇ-euˇ baoˇ yaw sehˇ k’ahˇ sheˇ hawˇ-eu, aˇ yaˇ-ahˇ tseh geuˆ-euˇ meh. Aˇ yawˆ-ehˇ eu Miˇ Yehˇ-aˇ, Yaw tsaˇ yaw dawˇ laˆ k’oeˇ tsawˇ haˇ zaˇ g’aˇ duˇ gaˇ dahˇ tsoeˇ ni-uˆ lahˇ-eu meh loˇ lehˇ, aˇ yawˆ naˇ haˇ-eu meh. Teu uˇ taˆ-ehˇ saˇ daˇ paˇ-ehˇ eu, tsawˇ haˇ yawˇ g’aˇ na luˆ Miˇ yehˇ ma caw ba law nmˇ-aˇ, Miˇ Yehˇ-ahˇ tehˆ-ehˇ uˇ duˇ maˇ tahˇ-a lehˇ, aˇ yawˆ Miˇ Yehˇ-ahˇ teu loˆ-ehˇ ehˇ nehˇ-eu baˇ da neh, aˇ yawˆ-aˇ Miˇ Yehˇ-ahˇ muiˇ-eu g’aˇ pyeuˆ laˇ-euˇ meh. Aˇ yawˆ teu loˆ-ehˇ mˇ-eu miˇ neh aˇ yawˆ-ahˇ nehˆ saˇ daˇ lehˇ myahˇ nehˇ-eu meh.–Aˇ dahˇ beh 3:1-5; Yawˇ baˇ 1:8-11; Pah mehˇ-eu sahˇ boˆ 12:9.

3. Saˇ daˇ tsawˇ haˇ zaˇ-aˇ yawˆ-ahˇ uˇ duˇ tahˇ laˇ ni, yaw k’aˆ k’aˆ-ehˇ muˇ juˇ juˇ luˆ-eu meh. (2 Gawˇ liˇ tu 11:3-14) Tsawˇ haˇ zaˇ-ahˇ muˇ juˇ luˆ-eu gaˇ kawˆ tiˇ kawˆ-aˇ, lehˇ-iˇ eu zahˇ k’oˆ meh. Maˇ maˇ ni g’eh-eu guiˇ lahˇ dawˇ maˇ ngeuˇ eu jeˇ-ahˇ g’oe-awˇ tsawˇ haˇ zaˇ-ahˇ muˇ juˇ luˆ-eu meh. Maˇ maˇ ni Miˇ Yehˇ-euˇ dawˇ-ahˇ maˇ taˆ leˇ-eu guiˇ lahˇ dawˇ k’aˇ mehˇ-eu g’aˇ (Saˇ Daˇ) –eu nui noeˇ nui duˇ mehˇ-eu meh. (Yoˇ haˇ 8:44) Myaˇ myaˇ ni, aˇ muˇ deuˇ-a, nga maˆ maˇ maˇ ni g’eh-eu Miˇ Yehˇ-ahˇ uˇ duˇ tahˇ luˆ ma lehˇ, noeˇ-eu meh. Ehˇ k’awˆ maˇ maˇ ni-ehˇ leˆ naˇ, saˇ daˇ-eu zaˇ k’aˆ geuˆ luˆ-eu meh. Aˇ jeˇ miˇ neh-ehˇ naˇ nehˆ saˇ daˇ-aˇ heu miˇ tsaˇ k’oeˇ taˆ-euˇ Miˇ Yehˇ pyeuˆ-eu meh.–2 Gawˇ liˇ tu 4:4.

Maˇ maˇ ni maˇ ngeuˇ-eu zahˇ sahˇ k’oˆ, nehˆ-ahˇ g’oe-eu zahˇ, tsawˇ haˇ zaˇ-ahˇ g’oe-eu zahˇ, heu deuˇ-aˇ tsawˇ haˇ-ahˇ muˇ juˇ-eu jeˇ pyeuˆeu meh

4.Nehˆ-eu zaˇ shiˇ nui gahˇ-aˇ, tsawˇ haˇ deuˇ-ahˇ yawˇ ha-uˇ moˆ-uˇ laˇ paˇ-ehˇ, saˇ daˇ zmˇ-eu gaˇ ma tiˇ kahˇ meh, Aˇ yawˆ maˆ yaw sahˇ kuˇ-awˇ, yawˇ ha-ahˇ loˆ piˇ-eu k’awˆ ngeuˇ, Aˇ tsawˇ deuˇ-ahˇ la shaˇ la zahˇ-eu k’awˆ ngeuˇ, Mehˇ hu paw gaˇ kawˆ deuˇ haw mawˇ-eu k’awˆ ngeuˇ, k’aˆ jeˇ-ehˇ g’eh-eu jeˇ mˇ-eu k’awˆ ngeuˇ-k’ehˇ taˇ-euˇ meh. Saˇ daˇ-aˇ gaˇ heu mehˇ nah paw jaˆ-eu maˇ muiˇ-eu yaw haiˇ-aˇ muˇ meh. Miˇ Yehˇ-euˇ nui noeˇ tsaˇ ni mˇ-eu jeˇ-aˇ nehˆ-eu baoˇ-ahˇ g’oe-awˇ ma ya mˇ-a.–Dawˇ mehˇ 18:10-12; G’aˇ k’ehˇ 19:18-19.

5. Saˇ daˇ-aˇ, yawˆ ha tsawˇ jeuˇ-ahˇ bi tsiˇ huiˇ bi tsiˇ mahˇ-awˇ miˇ k’ahˇ-eu aˇ muˇ-ahˇ taˆ hui-eu jeˇ muˇ juˇ-eu meh. Tsawˇ haˇ tiˇ paˆ na deuˇ ngaˇ-euˇ tsawˇ jeuˇ ngaˇ-eu miˇ k’ahˇ aˇ cawˇ naˆ maˇ tseˇ, muiˇ jehˇ ma lehˇ noeˇ-eu meh. Teu loˆ-ehˇ noeˇ-eu maˇ tsaˇ -a. (G’aˇ k’ehˇ 10:34-35) Tsawˇ haˇ zaˇ tiˇ paˆ na deuˇ noeˇ shaˇ-eu jeˇ keuˆ le ngeh, Miˇ k’ahˇ-eu aˇ muˇ deuˇ-ahˇ shaˇ ju-iˇ eu meh. Aˇ yawˆ maˆ teu loˆ-ehˇ jahˇ-eu jeˇ-aˇ, Miˇ Yehˇ uˆ lahˇ-eu jeˇ-ahˇ byehˇ dzeh-euˇ meh. Tsawˇ haˇ zaˇ noeˇ shaˇ noeˇ zahˇ-eu jeˇ-ahˇ caw ba nya eu-aˇ Miˇ Yehˇ uˆ lahˇ-eu tiˇ jeˇ tehˆ-ehˇ jaˆ-eu meh.–Daˇ yeˇ laˇ 2:44.

Jeˇ Hoˇ Baˇ Miˇ Yehˇ-euˇ gaˇ kawˆ jaw geuˆ-eu laˆ k’oeˇ, aˇ myah luˆ saˇ daˇ nehˇ-ehˇ deuˆ ceh ceh awˇ

6. Nehˆ saˇ daˇ-aˇ tsawˇ haˇ zaˇ loˇ-eu geuˆ mawˆ-eu jeˇ yuˇ haw-awˇ muˇ juˇ-eu tiˇ kawˆ jaˆ-a shiˇ (Jeˇ Hoˇ Baˇ) Miˇ yehˇ-ehˇ eu aˇ dui-aˇ, iˆ baˇ pyeuˆ-eu jeˇ-ahˇ g’awˇ mahˇ ni kaˇ gaˇ neh, gaˇ jaw jaw-eu tsaˇ meh. Aˇ jeˇ miˇ neh-ehˇ naˇ gaˇ kawˆ heu jeˇ-aˇ aˇ dui g’aˇ duˇ guˆ dui dui laˇ paˇ-ehˇ g’eh-eu jeˇ pyeuˆ-eu meh. (Gaˇ laˇ tiˆ 6:7-8) Tsawˇ haˇ tiˇ paˆ na deuˇ, iˆ baˇ mˇ ni naw maˆ-ahˇ muˇ juˇ juˇ laˇ nya-eu meh. Dawˇ tsoe ni-ehˇ naˇ, maˇ muiˇ maˇ jaˇ-eu jeˇ mˇ ni nawˇ-ahˇ muˇ juˇ laˇ-eu k’oeˇ-aˇ, nehˆ (Saˇ daˇ) meh-lehˇ noeˇ mawˇ yawˇ.–1 Gawˇ liˇ tu 6:9-10; 15:33.

7. Nawˇ Miˇ Yehˇ-ahˇ byehˇ jeh ni saˇ daˇ tiˇ poˆ na nawˇ-ahˇ lawˇ haw laˇ nya-eu meh, Tiˇ poˆ na nawˇ yaw k’aˆ-ehˇ g’oeˇ-eu tiˇ g’aˇ na nawˇ jaˇ liˆ dzaw luˆ gaˇ ya mawˇ ngeh, nawˇ-ahˇ bye nya-eu meh. Tiˇ paˆ na deuˇ-aˇ, nawˇ-ahˇ ja bu ja doeˇ laˇ nya-eu meh. Ehˇ k’awˆ nawˇ-eu dehˆ ziˇ aˇ shuˇ gaˇ-ahˇ naˆ te? Saˇ daˇ-aˇ, nawˇ Miˇ Yehˇ-eu gaˇ kawˆ maˇ ya dzaw geuˆ ni, nawˇ-ahˇ la guˆ laˇ nya-eu meh. Ehˇ k’awˆ saˇ daˇ nawˇ-ahˇ taˇ bi g’a leˇ de. (Maˇ theˇ 10:34-39; 1 Beˇ tuˆ luˆ 5:8-9) Nawˇ saˇ daˇ nehˇ-ehˇ, ceh k’oˆ gaˇ Miˇ Yehˇ mawˇ ngeh jawˇ aˇ yawˆ laˆ k’aˇ cehˇ-eu meh. Aˇ jeˇ miˇ neh-ehˇ naˇ, nawˇ aˇ yawˆ-eu baoˇ yaw sehˆ k’ahˇ sehˇ uˇ moˆ jawˇ luˆ-eu miˇ neh meh.–Dawˇ daˇ 27:11.

Copyright © 2009 Watch Tower Bible and Tract Society of Pennsylvania. All rights reserved.