 |
Beliefs | Future | Medical | Topics | Contact Us | Publications | Languages |
| MIˇ YEHˇ Aˇ DUÍ MAˆ -AHˇ‚ Aˇ GEU JEˇ SHAˇ MAWˆ TA? | Dzaw-eu-aˇ deuˆ 6  |
Miˇ Yehˇ-euˇ miˇ k’ahˇ-aˇ jeˇ-ahˇ ehˇ mawˆ ta? |
|
 |
Miˇ yehˇ-eu miˇ k’ahˇ aˇ geu gaˇ jaˆ ta? (1) |
|
Aˇ shuˇ g’aˇ sahˇ paˇ geuˆ ta? (2) |
|
Sahˇ paˇ heu g’aˇ nehˇ-ehˇ, tiˇ k’awˆ loˆ-ehˇ uˆ lahˇ-eu jawˇ meh loˇ? Jawˇ naˇ, aˇ myaˆ g’aˇ-a? (3) |
|
Aˇ dui aˇ saˇ saˇ-eu, aˇ nah aˇ yamˇ laˆ k’oeˇ jawˇ luˆ-eu ma lehˇ, aˇ joˆ-ehˇ ya shiˇ ta? (4) |
|
Mehˇ hu paw Miˇ Yehˇ miˇ k’ahˇ tsawˇ haˇ zaˇ g’aˇ duˇ, aˇ joˆ-ehˇ, paˇ jahˇ ta? (5-7) |
1. Yeˇ suˇ heu miˇ tsaˇ k’oeˇ taˆ jawˇ luˆ ngeh, aˇ yawˆ-eu zaˇ lahˇ deuˇ-ahˇ ehˇ nehˇ-eu, Miˇ Yehˇ miˇ k’ahˇ bi k’euˆ le ni guiˇ lahˇ saˇ-awˇ, lehˇ, dzaw mehˇ-eu meh. Miˇ k’ahˇ-aˇ uˆ lahˇ-eu sahˇ paˇ jawˇ meh. Aˇ yaw^ nehˇ-ehˇ uˆ lahˇ-eu deuˇ-aˇ, Mˇ k’oeˇ taˆ jawˇ-awˇ miˇ tsaˇ heu shiˇ-ahˇ uˆ lahˇ tehˇ-a. Aˇ yawˆ uˆ lahˇ-eu miˇ k’ahˇ-aˇ, Miˇ Yehˇ-eu tsawˇ myahˇ bi muiˇ bi jaˇ-awˇ yaw zeu bi baw tehˆ-a. Miˇ tsaˇ heu shiˇ-aˇ, Mˇ k’oeˇ taˆ Miˇ Yehˇ nui k’ahˇ shiˇ-eu jeˇ byah-eu loˆ-ehˇ miˇ tsaˇ k’oeˇ taˆ k’awˆ bi byah le tehˆ-a.–Maˇ theˇ 6:9-10. 
2. Miˇ Yehˇ miˇ tsaˇ heu shiˇ-ahˇ yeˇ suˇ-ahˇ sahˇ paˇ biˇ geuˆ ma lehˇ saˇ jaˇ dawˇ ngehˇ taˇ-euˇ meh. (Luˇ kaˇ 1:30-33) Yeˇ suˇ heu miˇ tsaˇ k’oeˇ taˆ jawˇ luˆ ngeh nui ma nahˇ yuˆ ni taˇ-awˇ yaw tsaˇ yaw dawˇ laˆ k’oeˇ uˆ lahˇ geuˇ-eu tiˇ g’aˇ pyeuˆ-eu meh lehˇ aˇ dui-ahˇ pah mehˇ nehˇ laˆ-eu meh. Aˇ yawˆ Mˇ k’oeˇ taˆ g’oˇ daˆ leˇ nehˇ-ehˇ tiˇ poˆ tehˆ-ehˇ sahˇ paˇ ya geuˆ-eu maˇ ngeuˇ-a. (Heˇ byehˇ 10:12) 1914 k’oˆ-ahˇ Jeˇ Hoˇ Baˇ Miˇ Yehˇ aˇ yawˆ saˇ jaˇ dawˇ-ehˇ taˇ-euˇ loˆ-ehˇ, yeˇ suˇ ka li-ahˇ baoˇ biˆ nehˇ-euˇ meh. K’oeˇ ngeh nah taˆ naˇ, mˇ k’oeˇ taˆ uˆ lahˇ-eu sahˇ paˇ tiˇ g’aˇ pyeuˆ laˇ-euˇ meh.–Daˇ yeˇ laˇ 7:13-14. 3. Jeˇ Hoˇ Baˇ Miˇ Yehˇ-aˇ, saˇ jaˇ ziˆ-eu k’aˇ dzeˇ zaˇ, zaˇ miˇ zaˇ tiˇ paˆ na deuˇ-ahˇ tseˇ -awˇ aˇ yawˆ maˆ yeˇ suˇ nehˇ-ehˇ, sahˇ paˇ yaˇ k’aˇ daˇ-eu (kuˇ haw kaˇ) geuˆ-awˇ miˇ tsaˇ zaˇ-ahˇ uˆ lahˇ tehˆ-a, (Luˇ kaˇ 22:28-30; Pah mehˇ eu 5:9-10) Yeˇ suˇ aˇ yawˆ nehˇ -ehˇ uˆ lahˇ-eu aˇ muˇ heu deuˇ-ahˇ (maˇ myaˇ-eu yawˇ maˆ lehˇ) myahˇ nehˇ-eu meh. Aˇ muˇ heu deuˇ 144,000 g’aˇ byah-eu meh.–Luˇ kaˇ 12:32; Pahˆ meh 14:1-3. 4. Yeˇ suˇ sahˇ paˇ pyeuˆ laˇ g’aˇ naˇ, Ti poˆ tehˆ-ehˇ, saˇ daˇ hawˇ-eu maˇ muiˇ-eu mˇ taˆ g’aˇ k’ehˇ deuˇ-ahˇ miˇ tsaˇ-ahˇ teh jeh leˆ-euˇ meh. Teu baˇ da neh 1914 k’oˆ-ahˇ neh naˇ, miˇ tsaˇ k’oeˇ taˆ haˇ-iˇ dui dui-eu jeˇ ti byah ni jaˆ le-euˇ meh. (Pah mehˇ 12:9-12) Guiˇ mˇ-eu, mehˆ-eu, shuˆ-eu, naˇ gawˇ myaˇ laˇ dui dui-eu, maˇ tsaˇ maˇ dawˇ-eu tsawˇ haˇ myaˇ laˇ-eu, gaˇ kawˆ heu deuˇ pyeuˆ laˇ gaˇ haw ngeh, Yeˇ suˇ uˆ lahˇ-eu aˇ saˇ saˇ -eu aˇ yamˇ keuˆ le-eu ngaˇ lehˇ ya shiˇ-eu ma.–Maˇ theˇ 24:3, 7, 8, 12; Lu kaˇ 21: 10, 11; 2 Tiˆ moˇ seˇ 3:1-5. 5. Maˇ myahˇ-euˇ aˇ yamˇ laˆ k’oeˇ yeˇ suˇ, miˇ tsaˇ tsawˇ haˇ zaˇ-ahˇ, yaˇ k’aˇ daˇ tehˆ-a. Aˇ yawˆ-aˇ yawˇ bo-eu Yaw sahˇ, Yawˇ hawˇ-euˇ ciˆ menˆ-ahˇ biˇ paˆ-eu loˆ-ehˇ-aˇ yawˆ maˆ-ahˇ tseˇ paˆ tehˆ-a. Yawˇ deuˇ-a, Aˇ yawˆ-ahˇ gaˇ-eu saˇ jaˇ ziˆ-eu yaw tsaˇ yaw dawˇ tsawˇ haˇ deuˇ meh. Aˇ yawˆ maˆ, Mˇ maˆ maˇ bya zaˇ ziˇ ya dehˆ tehˆ-a. Ciˆ mehˇ deuˇ Miˇ Yehˇ uˆ lahˇ-eu laˆ k’oeˇ maˇ ha geuˆ-eu tsawˇ haˇ deuˇ meh. (Maˇ theˇ 25:31-34, 46) Maˇ myahˇ-eu aˇ yamˇ laˆ k’oeˇ ciˆ menˆ loˆ-ehˇ g’eh-eu tsawˇ haˇ deuˇ-ahˇ yeˇ suˇ la cawˆ jiˇ tehˆ-a. (2 Teˇ saˇ lawˇ ni 1:6-9) Nawˇ yeˇ suˇ-euˇ yawˇ zaˇ tiˇ mawˇ pyeuˆ mawˆ naˇ Miˇ Yehˇ dawˇ kawˇ-ahˇ nawˇ jaw geuˆ-awˇ, mˇ g’eh-awˇ.–Maˇ theˇ 24:14.
6. Nymˇ-mˇ, heu miˇ tsaˇ k’oeˇ taˆ miˇ k’ahˇ g’awˇ mya k’ahˇ jaˆ-eu meh. Yawˇ k’ahˇ na luˆ uˆ lahˇ-eu sahˇ paˇ jawˇ luˆ meh. Ehˇ k’awˆ miˇ k’ahˇ heu deuˇ tiˇ k’ehˇ maˇ taˇ ni guiˇ mˇ luˆ-eu meh. Miˇ Yehˇ uˆ lahˇ le-eu miˇ k’ahˇ-aˇ, miˇ tsaˇ k’oeˇ taˆ miˇ k’ah dawˇ tawˆ luˆ tiˇ k’ahˇ tehˆ-ehˇ bi pyeuˆ laˇ -awˇ uˆ lahˇ-eu deuˇ tiˇ muˇ tehˆ-ehˇ bi jawˇ tehˆ-a. (Daˇ yeˇ laˆ 2:44) K’oeˇ naˇ guiˇ deuˆ-eu, diˇ sehˆ-eu, haˇ-iˇ-euˇ, jeˇ maˇ paˇ jaˆ meh. Tsawˇ haˇ yawˇ g’aˇ na luˆ nui shaˇ za-eu laˆ k’oeˇ Coˆ ngehˇ ni tiˇ maˆ tiˇ muˇ tehˆ-ehˇ pyeuˆ laˇ tehˆ-a.–Miˇ kaˇ 4:3, 4. 7. Yeˇ suˇ uˆ lahˇ-eu tiˇ heˇ k’oˆ laˆ k’oeˇ yaw tsaˇ yaw dawˇ tsawˇ haˇ deuˇ-aˇ, byah dui dui-eu tsawˇ haˇ pyeuˆ laˇ-awˇ, miˇ tsaˇ heu-ahˇ muiˇ dui dzaˇ dui dui-eu (Baˇ Laˇ Diˇ Suˆ) pyeuˆ laˇ tehˆ-a. Tiˇ heˇ k’oˆ byah laˇ naˇ, yeˇ suˇ-aˇ Miˇ Yehˇ-eu nui noeˇ mˇ byah g’aˇ ngeh jawˇ miˇ tsaˇ heu Miˇ Yehˇ-euˇ aˇ laˆ laˆ k’oeˇ paˇ a k’oˆ nehˇ tehˆ-a. (1 Gawˇ liˇ tu 15:24) Nymˇ-mˇ neh nawˇ gaˇ-eu cawˇ deuˇ-ahˇ, Miˇ Yehˇ miˇ k’ahˇ gaˇ kawˆ mehˇ nehˇ -eu maˇ muiˇ-a loˇ? |
||
2007 Boˆdoˆ -eu aˇ k’oˆ |
 |
Copyright © 2009 Watch Tower Bible and Tract Society of Pennsylvania. All rights reserved. |
|
