Miˇ Yehˇ nui noeˇ tsaˇ ni, mˇ-eu nymˇ jiˇ - JEˇHoˇBAˇ, Saˇ kiˇ deuˇ-loˆ-eu Seu geu aˇ muˇ zahˇ tsaˇ-eu Web Site

JEˇ Hoˇ BAˇ Saˇ kiˇ deuˇ-zahˇ tsaˇ-eu Web Site

Beliefs

Future

MIˇ YEHˇ Aˇ DUÍ MAˆ -AHˇ‚ Aˇ GEU JEˇ SHAˇ MAWˆ TA?

Dzaw-eu-aˇ deuˆ 8

Miˇ Yehˇ nui noeˇ tsaˇ ni, mˇ-eu nymˇ jiˇ
	Nymˇ jiˇ laˆ k’oeˇ nymˇ sahˇ aˇ da-euˇ aˇ yaˇ aˇ jeˇ-a? (1)
	K’aˇ dzeˇ zaˇ zaˇ miˇ zaˇ-ahˇ, aˇ joˆ-ehˇ ya mˇ nehˇ la? (2)
	Aˇ da deuˇ nymˇ jiˇ-ahˇ a joˆ-ehˇ ya haw lahˇ la? (3)
	Zaˇ miˇ zaˇ deuˇ mymˇ jiˇ gaˇ, aˇ geu jeˇ ya mˇ ta? (4)
	Jeˇ Hoˇ Baˇ Miˇ Yehˇ aˇ da aˇ ma zaˇ deuˇ-ahˇ, aˇ geu jeˇ shaˇ taˇ ta? (5)
	G’awˇ jawˇ-eu-awˇ, g’awˇ cehˆ cehˆ-eu jaˇ liˆ laˆ k’oeˇ aˇ joˆ-ehˇ ta? (6, 7)

1. Jaˇ liˆ laˆ k’oeˇ-ehˇ taˇ-euˇ, k’aˇ dzeˇ zaˇ deuˇ nymˇ jiˇ-euˇ uˇ duˇ pyeuˆ-eu meh. (1 Gawˇ liˇ tu 11:3) K’aˇ dzeˇ zaˇ miˇ zaˇ tiˇ g’aˇ tehˆ-ehˇ ya baw meh. Aˇ yawˆ nyaˆ yaw tsaˇ yaw dawˇ zahˇ dawˇ laˆ k’oeˇ ya sheuˇ dahˇ dzaˇ meh.–1 Tiˆ moˆ seˇ 3:2; Tiˇ tuˆ 3:1.

2. K’aˇ dzeˇ zaˇ deuˇ-aˇ, yawˇ ha g’awˇ mawˇ-ahˇ gaˇ-eu loˆ-ehˇ, miˇ zaˇ-ahˇ ya gaˇ meh. (Eˇ peˇ suˆ 5:25, 28, 29) Yeˇ suˇ-aˇ, aˇ yawˆ-eu kuiˇ laˆ deuˇ-ahˇ mˇ nehˇ-eu loˆ-ehˇ, zaˇ miˇ zaˇ-ahˇ mˇ nehˇ-eu tsaˇ meh. Yawˇ ha-eu miˇ zaˇ-ahˇ, ya taˇ huiˇ meh.–Gawˇ lawˇ sehˇ 3:19; 1 Beˇ tuˆ luˆ 3:7.

G’awˇ shaˇ gaˇ-eu shiˇ nya-eu aˇ da tiˇ g’aˇ nymˇ jiˇ g’aˇ duˇ myawˇ gahˇ poˆ nehˇ-awˇ, saˆ laˇ paw k’awˆ ya haw nehˇ-eu meh

3. Aˇ da g’aˇ nymˇ jiˇ g’aˇ duˇ leh jeh-awˇ, ya mˇ meh. Miˇ zaˇ, zaˇ deuˇ dzaˇ-eu dawˇ-eu, dm-eu g’aˇ-eu, hawˇ-eu, jawˇ duˇ nymˇ jiˇ ya tsoˆ meh. Teu uˇ taˆ-ehˇ saˆ laˇ paw loˇ-eu jeˇ k’awˆ, ya poˆ meh. (1 Tiˆ moˇ seˇ 5:8) Aˇ yawˆ-aˇ nymˇ jiˇ laˆ k’oeˇ Miˇ Yehˇ dawˇ kawˇ mehˇ nehˇ-awˇ sheu g’eh-eu, aˇ yuiˆ ya geuˆ meh.–Dawˇ mehˇ 6:4-9; Eˇ peˇ suˆ 6:4.

4. Miˇ zaˇ deuˇ-aˇ, k’aˇ dzeˇ zaˇ-ahˇ tsaw ba nya-eu muiˇ dui dui-eu zaˇ miˇ zaˇ tiˇ g’aˇ ya pyeuˆ meh. (Aˇ dahˇ beh 2:18) Zaˇ miˇ zaˇ deuˇ, k’aˇ dzeˇ zaˇ zaˇ deuˇ-ahˇ mehˇ nehˇ tsoˆ mehˇ gaˇ, ya caw ba meh. (Dawˇ daˇ 1:8) Aˇ ma deuˇ-aˇ, zaˇ deuˇ-ahˇ ya mehˇ ya coˆ nehˇ meh. (Dawˇ daˇ 31:10, 15, 26, 27; Tiˇ tuˆ 2:4, 5) Miˇ zaˇ deuˇ-aˇ, yawˇ ha k’aˇ dzeˇ zaˇ-ahˇ yaw zeu baw gaˇ, Miˇ Yehˇ mawˆ-eu meh.–Eˇ peˇ suˆ 5:22, 23, 33.

5. Zaˇ deuˇ aˇ da aˇ ma-ehˇ dawˇ naˇ haˇ gaˇ Miˇ Yehˇ geuˆ mawˆ-eu meh. (Eˇ peˇ suˆ 6:1-3) Aˇ da aˇ ma deuˇ yawˇ haˇ zaˇ deuˇ-ahˇ, mehˇ nehˇ coˆ nehˇ-eu je-ahˇ, Miˇ Yehˇ mawˆ-eu meh. Aˇ yawˆ nyaˆ zaˇ deuˇ-ahˇ jaˇ liˆ mehˇ nehˇ-eu aˇ yamˇ ya bi jaˆ meh. Saˆ laˇ paw loˇ-eu jeˇ mehˇ nehˇ-awˇ, zaˇ-eu nui noeˇ nui ma muiˇ paˇ-ehˇ, ya chaw ba meh. (Dawˇ mehˇ 11:18, 19; Dawˇ daˇ 22:6-15) Aˇ da aˇ ma deuˇ yawˇ ha zaˇ nui ma naˇ, nui ma pehˇ laˇ paˇ-ehˇ maˇ ya jahˇ nehˇ-a.–Gawˇ lawˇ sehˇ 3:21.

Miˇ Yehˇ-aˇ, yawˇ ha zaˇ-ahˇ yaw muiˇ paˇ-ehˇ mehˇ nehˇ tsoˆ nehˇ-eu jeˇ-ahˇ mawˆeu meh

6. Miˇ zaˇ yo zaˇ maˇ dzoeˇ maˇ tsaˇ leˇ ni pyeuˆ laˇ naˇ, jaˇ liˆ dzaw-awˇ, naˇ haˇ geuˆ-eu tsaˇ meh. Jaˇ liˆ mehˇ nehˇ laˆ-eu g’oeˇ-eu gaˇ-eu laˆ k’oeˇ tiˇ g’aˇ tiˇ g’aˇ iˆ baˇ pyehˇ-awˇ. (Gawˇ lawˇ sehˇ 3:12-14) Nyiˇ-eu gaˇ tiˇ hmˇ baˇ da neh, tiˇ g’aˇ tiˇ gaˇ g’awˇ-iˇ awˇ, jawˇ-eu jaˇ liˆ-ahˇ maˇ tsaˇ-a, Ehˇ k’awˆ zaˇ miˇ zaˇ k’aˇ dzeˇ zaˇ-ahˇ byehˇ-eu gaˇ kawˆ heu loˆ-ehˇ jaˆ-eu meh. (1) K’aˇ dzeˇ zaˇ g’aˇ, nymˇ dahˇ-ahˇ maˇ haw maˇ pyaˆ-eu. (2) Aˇ yawˆ-aˇ haiˇ dui dui-eu tiˇ g’aˇ pyeuˆ-awˇ zaˇ miˇ zaˇ dehˆ-eu ziˇ shmˇ-iˇ ni jahˇ nehˇ-eu. (3) Jeˇ Hoˇ Baˇ Miˇ Yehˇ-ahˇ guiˇ lahˇ shaˇ-eu jeˇ-ahˇ laˆ tsoeˇ-eu, heu loˆ-ehˇ g’eh-eu jeˇ dzahˇ naˇ tiˇ g’aˇ tiˇ g’aˇ jawˇ g’awˇ nya meh.–1 Gawˇ liˇ tu 7:12, 13.

7. Miˇ zaˇ yo zaˇ yaw kaˇ dzoeˇ leˇ tsaˇ leˇ-eu laˆ k’oeˇ, ya dehˆ meh. Bahˇ-eu muˆ-eu jeˇ-aˇ, Miˇ Yehˇ hawˇ-eu yawˇ ha nyiˇ g’aˇ yaw kaˇ mˇ bahˇ mˇ muˆ-eu jeˇ pyeuˆ-eu meh. (Heˇ byehˇ 13:4) Yawˇ ha miˇ zaˇ nehˇ-ehˇ maˇ yuˆ ni aˇ tsawˇ miˇ zaˇ nehˇ-ehˇ yuˆ naˇ byehˇ-awˇ, yaw shuiˇ yuˇ paˇ nya meh. (Maˇ tehˇ 19:6-9; Loˇ maˆ 7:2, 3) Jeˇ Hoˇ Baˇ Miˇ Yehˇ-aˇ, jaˇ liˆ ahˇ maˇ caw teh ni byehˇ-euˇ tsawˇ haˇ-ahˇ bye dui dui-eu meh.–Maˇ laˇ kiˇ 2:14-16.

2007 Boˆdoˆ -eu aˇ k’oˆ
Copyright © 2009 Watch Tower Bible and Tract Society of Pennsylvania. All rights reserved.