Yaw tsaˇ yaw dawˇ zahˇ sahˇ k’oˆahˇ, nawˇ-aˇ joˆ-ehˇ mawˇ nya nmˇ?

1. Yeˇ suˇ-aˇ maˇ maˇ ni g’eh-eu zahˇ tiˇ hmˇ tehˆ-ehˇ biˆ taˇ-eu meh. Teu baˇ da neh nymˇ-mˇ, k’awˆ ni Jeˇ Hoˇ Baˇ Miˇ Yehˇ-ahˇ uˇ duˇ tahˇ-eu tiˇ zahˇ tehˆ-ehˇ ya jaˆ meh. (Yoˇ haˇ 4:23, 24; Eˇ peˇ suˆ 4: 4, 5) Jaˇ liˆ laˆ k’oeˇ-ehˇ taˇ-eu g’oˆ k’ehˇ yaw suˆ-ahˇ ya uˇ leˇ-eu tsawˇ haˇ ui cuiˆ tehˆ-ehˇ jawˇ-eu meh lehˇ,-ehˇ taˇ-eu meh.–Maˇ tehˇ 7:13, 14.

2. Jaˇ liˆ ahˇ-ehˇ taˇ-eu, yeˇ suˇ-euˇ kuiˇ laˆ deuˇ shiˇ jiˇ ngeh jawˇ, maˇ maˇ ni maˇ ngeuˇ-eu dawˇ mehˇ-euˇ, mˇ jeˇ shaˇ kawˆ maˇ ngeuˇ-eu, jeˇ mˇ mehˇ-eu, ka li zaˇ aˇ muˇ laˆ k’oeˇ uˇ laˇ-awˇ, yeˇ suˇ-ahˇ byehˇ jeh-eu, aˇ yawˆ maˆ-eu mehˇ nah bi caw teh laˇ-eu lehˇ mehˇ-eu g’awˇ mya ni doˆ laˇ meh lehˇ-ehˇ taˇ-eu meh. (Maˇ tehˇ 7:15-21, 23; G’aˇ k’ehˇ 20:29, 30) Teu baˇ da neh ka li zaˇ lehˇ kuˇ-eu aˇ muˇ g’awˇ mya muˇ doˆ laˇ taˇ-eu meh. Aˇ dui aˇ joˆ g’eh-awˇ neh maˇ maˇ ni g’eh-eu ka li za lehˇ shiˇ nya nmˇ?

3. Aˇ dui myaˆ nuiˆ-ahˇ mawˇ laˇ luˆ-eu, maˇ maˇ ni g’eh-eu, ka li zaˇ aˇ muˇ-aˇ, g’oeˇ-eu gaˇ-eu jeˇ tiˇ byah ni-ahˇ eu meh. (Yoˇ haˇ 13:34, 35) Aˇ yawˆ maˆ-eu aˇ muˇ, aˇ tsawˇ taˆ-ehˇ muiˇ dzehˇ bym dzehˇ ma lehˇ maˇ mehˇ. Teu uˇ taˆ-ehˇ aˇ tsawˇ miˇ k’ahˇ tsawˇ haˇ-ahˇ maˇ haw nahˇ-eu gaˇ k’awˆ maˆ mehˇ nehˇ. (G’aˇ k’ehˇ 10:34, 35) Teu baˇ da neh guiˇ mˇ-eu laˆ k’oeˇ k’awˆ maˇ-uˇ leˇ, aˇ yawˆ maˆ-aˇ tiˇ g’aˇ tiˇ g’aˇ aˇ yuiˆ aˇ nyiˇ loˆ-ehˇ sawˇ-eu tehˆ ma.–1 Yoˇ haˇ 4: 20, 21.

Maˇ maˇ ni g’eh-eu ka li zaˇ aˇ muˇ deuˇ-aˇ, g’oeˇ-eu gaˇ-eu jaˇ liˆahˇ taˇ huiˇ-awˇ, caw teh-eu Miˇ Yehˇ uˆ lahˇ-eu gaˇ kawˆ mehˇ nehˇ luˆeu meh

4. Maˇ maˇ ni g’eh-eu ka li zaˇ aˇ muˇ deuˇ-aˇ, Aˇ yawˆ maˆ aˇ muˇ laˆ k’oeˇ k’aˇ jawˇ-eu yawˇ g’aˇ na luˆ, jaˇ liˆ-ahˇ taˇ huiˇ dui dui-eu meh. (Jaˇ liˆ-aˇ maˇ maˇ ni) Miˇ Yehˇ-euˇ dawˇ meh, lehˇ, aˇ yawˆ maˆ jah-awˇ jaˇ liˆ mehˇ nehˇ laˇ gaˇ yaw mui-ehˇ naˇ haˇ geuˆ-awˇ, jah-eu meh. (Yoˇ haˇ 17:17; 2 Tiˆ moˇ seˇ 3:16, 17) Aˇ yawˆ maˆ tsawˇ haˇ zaˇ-eu nui noeˇ nui duˇ hawˇ-eu jah-eu zahˇ sahˇ k’oˆ-ahˇ naˆ maˇ tseˇ, Miˇ Yehˇ biˇ taˇ-eu dawˇ-ahˇ naˇ haˇ geuˆ-eu meh. (Maˇ tehˇ 15:1-3, 7-9) Aˇ yawˆ maˆ yawˇ nah na luˆ jaˇ liˆ gui-awˇ mehˇ nehˇ laˆ-eu loˆ-ehˇ caw teh-eu meh. Teu baˇ da neh mehˆ-eu tiˇ jeˇ mˇ-eu tiˇ jeˇ lehˇ, maˇ jahˇ.–Tiˇ tuˆ 1:15, 16.

5. Maˇ maˇ ni g’eh-eu ka li zaˇ deuˇ-aˇ, Miˇ Yehˇ-euˇ tsawˇ myahˇ-ahˇ yaw zeu ya baw-eu meh. (Maˇ tehˇ 6:9) Yeˇ suˇ-aˇ Miˇ Yehˇ-euˇ tsawˇ myahˇ yawˇ g’aˇ na luˆ-ahˇ mehˇ nehˇ-eu meh. Tsawˇ myahˇ k’oeˇ-aˇ, Jeˇ Hoˇ Baˇ lehˇ, kuˇ-eu meh. Maˇ maˇ ni g’eh-eu ka li zaˇ deuˇ-aˇ, teu gaˇ duˇ ni kuˇ tehˆ-a. (Yoˇ haˇ 17:6, 26; Loˇ maˆ 10:13, 14) Naw maˆ jawˇ duˇ laˆ k’oeˇ Miˇ Yehˇ-euˇ tsawˇ myahˇ mehˇ nehˇ laˆ-eu, aˇ shuˇ g’aˇ-a?

6. Maˇ maˇ ni g’eh-eu ka li zaˇ deuˇ-aˇ, Miˇ Yehˇ miˇ k’ahˇ gaˇ kawˆ ya mehˇ nehˇ meh. Yeˇ suˇ-aˇ, Miˇ Yehˇ miˇ k’ahˇ gaˇ kawˆ aˇ myah luˆ mehˇ nehˇ-eu meh. (Luˇ kaˆ 8:1) Aˇ yawˆ-eu zaˇ lahˇ deuˇ-ahˇ ehˇ nehˇ-eu laˆ k’aˇ cehˇ-eu guiˇ lahˇ dawˇ heu miˇ tsaˇ tahˇ k’awˇ doe ni-iˇ awˇ mehˇ nehˇ-iˇ awˇ lehˇ,-ehˇ nehˇ-euˇ meh. (Maˇ tehˇ 24:14; 28:19, 20) Maˇ maˇ ni g’eh-eu ka li zaˇ deuˇ-aˇ, miˇ tsaˇ heu k’oeˇ taˆ Miˇ Yehˇ uˆ lahˇ-eu tiˇ hmˇ laˆ k’oeˇ nui shaˇ ya-awˇ, coˆ ngehˇ ni ya jawˇ ma lehˇ jah-eu ma.–Ja ceuˇ 146:3-5.

7. Yeˇ suˇ-euˇ zaˇ lahˇ deuˇ-aˇ, haˇ-iˇ dui dui-eu, heu saˇ ka-ahˇ maˇ taˆ-a. (Yoˇ haˇ 17:16) Aˇ yawˆ maˆ-aˇ, miˇ k’ahˇ-aˇ muˇ hawˇ-eu yaw lehˇ yaw tsa gaˇ kawˆ-ahˇ maˇ taˆ-a. Aˇ yawˆ maˆ luˇ-iˇ seˇ-iˇ nya-eu jeˇ hawˇ-eu, tsawˇ haˇ zaˇ-eu nui noeˇ nui k’ahˇ mˇ-eu jeˇ-ahˇ, gaˇ jaw jaw-eu meh. (Yaˇ koˆ 1: 27; 4:4) Naw maˆ dawˇ peh maˇ maˇ ni-eu ka li zaˇ aˇ muˇ deuˇ gaˇ kawˆ k’oeˇ deuˇ-ahˇ, aˇ joˆ mˇ-eu nga-lehˇ, naw maˆ haw mawˇ ma loˇ?

Copyright © 2009 Watch Tower Bible and Tract Society of Pennsylvania. All rights reserved.