Jeˇ Hoˇ Baˇ saˇ kiˇ deuˇ neh, muˇ taˇ-eu gaˇ deuˇ

1. Nymˇ-mˇ mawˇ luˆ-eu Jeˇ Hoˇ Baˇ saˇ kiˇ kamˇ-eu aˇ muˇ deuˇ-aˇ, 1870 k’oˆ-ahˇ neh beh taˇ-eu meh. Aˇ beh beh ngeh aˇ yawˆ maˆ-aˇ, jaˇ liˆ jaw zaˇ aˇ muˇ lehˇ kuˇ-euˇ meh. 1931 k’oˆ-ahˇ neh naˇ, jaˇ liˆ laˆ k’oeˇ boˆ taˇ-eu tsawˇ myahˇ loˆ-ehˇ, Jeˇ Hoˇ Baˇ saˇ kiˇ kamˇ-eu aˇ muˇ lehˇ kuˇ-eu meh. (Iˇ saˇ yaˇ 43:10) Heu-aˇ muˇ-aˇ nyiˇ-eu gaˇ tiˇ hmˇ-ahˇ neh-aˇ dahˇ beh -awˇ mˇ daˆ laˆ-eu miˇ neh, nymˇ mˇ-aˇ, miˇ k’ahˇ 230 k’ahˇ jehˇ nib yah iˇ-euˇ uˇ taˆ-ehˇ, jah-eu tsawˇ haˇ k’awˆ (aˇ lam) jehˇ ni saˇ kiˇ kamˇ-eu tsawˇ haˇ deuˇ doˆ laˇ-euˇ meh.

2. Jeˇ Hoˇ Baˇ Miˇ Yehˇ saˇ kiˇ kamˇ-eu aˇ muˇ deuˇ-aˇ, tiˇ jaw laˆ k’oeˇ smˇ poˆ bawˇ dzaˇ-eu ma. Nawˇ-ahˇ k’awˆ bawˇ dzaˇ gaˇ oeˆ-awˇ lehˇ kuˇ-eu ma. (Heˇ byehˇ 10:24, 25) Jaˇ liˆ-ahˇ dawˇ pehˇ taˇ-awˇ, mehˇ-eu ma. Aˇ dahˇ beh ngeh guiˇ lahˇ tiˇ poˆ shaˇ-awˇ, aˇ saˇ saˇ ngeh tiˇ poˆ shaˇ-eu ma. Nui ma keuˆ dui dui-eu laˆ k’oeˇ uiˇ laˇ taˇ-eu yawˇ g’aˇ na luˆ ja ceuˇ-eu caˇ dawˇ caˇ-eu ma. (Eˇ peˇ suˆ 5:18, 19) Bawˇ dzaˇ gaˇ oeˆ-eu tsawˇ haˇ-ahˇ pyuˇ maˇ taˇ, yawˆ ngehˆ-ehˇ mehˇ nehˇ ma.–Maˇ tehˇ 10:8.

3. Myaˇ myaˇ ni aˇ muˇ deuˇ-aˇ bawˇ dzaˇ duˇ nymˇ-ahˇ uiˇ leˇ-awˇ bawˇ dzaˇ-eu meh. Bawˇ dzaˇ duˇ nymˇ k’awˆ nui ma keuˆ-awˇ, damˇ taˇ-eu pyuˇ-ahˇ g’oe-awˇ, tsoˆ taˇ-eu meh. Miˇ Yehˇ-euˇ nymˇ jiˇ laˆ k’oeˇ tahˇ pahˇ aˇ ma, aˇ baˇ, yeˇ suˇ daˇ kawˇ laˆ yaˆ-ahˇ taˆ sehˆ-eu aˇ baˇ maˇ-ehˇ, nui jeˇ tiˇ jeˇ jeˇ-eu aˇ baˇ maˇ bi jaˆ-a. Loˇ gaˇ zmˇ-eu pyuˇ deuˇ k’awˆ yawˇ ha nui ma keuˆ-awˇ damˇ taˇ-eu pyuˇ-ahˇ g’oe-awˇ zmˇ-eu meh. Nui ma keuˆ-awˇ damˇ-eu g’aˇ duˇ, pyuˇ daˇ bahˇ keuˆ bi jaˆ-euˇ meh.–2 Gawˇ liˇ tu 9:7.

4. Aˇ muˇ yawˇ muˇ na luˆ-uˆ lahˇ-eu aˇ yuiˆ (maˇ ngeuˇ naˇ) bo saˆ-awˇ, sheuˇ g’eh-eu deuˇ jawˇ-eu meh. Aˇ yawˆ maˆ-aˇ, aˇ muˇ-ahˇ haw lahˇ-awˇ mehˇ nehˇ coˆ nehˇ-eu aˇ yuiˆ aˇ tsu deuˇ meh. (1 Tiˆ moˇ seˇ 3:1-7; 5:17) Aˇ yawˆ maˆ-ahˇ caw ba-eu deuˇ jawˇ-eu meh. (1 Tiˆ moˇ seˇ 3:8-10, 12, 13) Tsawˇ haˇ heu deuˇ-ahˇ-aˇ, Aˇ muˇ naˆ maˇ tseˇ taˇ huiˇ jehˇ-eu maˇ ngeuˇ-a. (2 Gawˇ liˇ tu 1:24) Aˇ yaˇ huiˇ-eu tiˇ jeˇ-iˇ, biˆ taˇ-eu maˇ jaˆ. (Maˇ tehˇ 23:8-10) Aˇ yawˆ maˆ aˇ tsawˇ taˆ-ehˇ dzehˇ ni mehˇ tsoeˇ maˇ dm-a, Teu uˇ taˆ-ehˇ mˇ-eu shaˇ-eu laˆ k’oeˇ k’awˆ pyuˇ ma za. Uˆ lahˇ-eu aˇ muˇ heu deuˇ-aˇ saˆ laˇ paw k’aˇ loˇ-eu loˆ-ehˇ nui ma keuˆ-awˇ, ya caw ba nehˇ-eu meh. Nui ma cawˆ-awˇ noeˇ shaˇ noeˇ zahˇ luˆ naˇ, aˇ yawˆ maˆ oeˆ-awˇ mehˇ nehˇ coˆ nehˇ le-eu meh.–Yaˇ koˆ 5:14-16; 1 Beˇ tuˆ luˆ 5:2, 3.

5. Jeˇ Hoˇ Baˇ saˇ kiˇ kamˇ-eu aˇ muˇ heu deuˇ-aˇ, yawˇ k’oˆ na luˆ aˇ muˇ muˇ ma, aˇ muˇ muˇ zaˇ, tahˇ dzoeˇ-awˇ bawˇ dzaˇ-eu jaˆ meh. K’oeˇ gaˇ-aˇ muˇ yaw muˇ na luˆ-oeˆ uiˇ-awˇ jaˇ liˆ mehˇ nehˇ laˆ gaˇ jaw geuˆ le-eu meh. Yawˇ poˆ na luˆ bawˇ dzaˇ-eu laˆ k’oeˇ iˇ cuˆ sawˇ-eu lehˇ hmˇ taˇ-euˇ meh.–Maˇ tehˇ 3:13-17; 28:19, 20.

6. Jeˇ Hoˇ Baˇ saˇ kiˇ kamˇ-eu aˇ muˇ uˇ dzah-aˇ (neˇ-o yawˆ New york) meuˇ-ahˇ jaˆ-eu meh. K’oeˇ gaˇ-aˇ, Aˇ yuiˆ aˇ tsu deuˇ miˇ tsaˇ k’oeˇ taˆ jawˇ-eu aˇ muˇ yawˇ muˇ na luˆ k’oeˇ taˆ,-uˆ lahˇ-eu meh. Teu uˇ taˆ-ehˇ coˆ caˇ taˇ-eu aˇ muˇ yaw zaˇ deuˇ miˇ tsaˇ k’oeˇ taˆ 100 muˇ jehˇ ni jaˆ-aˇ shiˇ, Jawˇ duˇ k’oeˇ deuˇ-ahˇ jaˇ liˆ ahˇ g’oe-awˇ aˇ poeˇ maˇ yuˇ ni nui ma keuˆ-eu laˆ k’oeˇ boˆ doˆ luˆ-eu deuˇ jawˇ-eu meh. K’oeˇ gaˇ-aˇ mehˇ nehˇ coˆ nehˇ iˇ-eu gaˇ kawˆ-ahˇ taˆ leˇ-awˇ mehˇ nehˇ luˆ-eu meh. Nawˇ jawˇ-eu dawˇ peh jaˆ-eu Miˇ Yehˇ dawˇ kawˇ bawˇ dzaˇ duˇ-ahˇ iˇ-eu maˇ muiˇ nga loˇ?

Copyright © 2009 Watch Tower Bible and Tract Society of Pennsylvania. All rights reserved.