Miˇ Yehˇ gaˇ mˇ ma lehˇ, nawˇ noeˇ cehˆ-eu

1. Miˇ Yehˇ-eu cawˇ pyeuˆ laˇ ni jaˇ liˆahˇ mehˇ nehˇ laˆ-eu dawˇ-ahˇ yaw muiˇ paˇ-ehˇ ya yuˇ geuˆ meh? (1 Tiˆ moˇ seˇ 2:3, 4) Jaw shiˇ g’aˇ-eu dawˇ-ahˇ ya jah meh. (Heˇ byehˇ 11:6) Iˆ baˇ ya noeˇ poˆ meh. (G’aˇ k’ehˇ 17:30, 31) Yaw dehˆ dehˆ-eu yaw shuiˇ ya dehˆ paˇ meh. (G’aˇ k’ehˇ 3:19) Teu loˆ-ehˇ mˇ g’aˇ naˇ, nawˇ Miˇ Yehˇ-ahˇ aˇ diˇ aˇ maˇ gaˇ ma-lehˇ, nawˇ-eu g’awˇ mawˇ Mi Yehˇ-ahˇ a nehˇ nya ni, noeˇ loˆ-eu tsaˇ meh. A nehˇ-eu ehˇ-eu aˇ, miˇ yehˇ nehˇ-ehˇ-aˇ dui yaw kaˇ laˆ k’oeˇ guiˇ lahˇ shaˇ gaˇ-ehˇ-eu meh.–Maˇ teh 16:24; 22:37.

2. Nawˇ-eu g’awˇ mawˇ Miˇ Yehˇ-ahˇ a nehˇ g’aˇ miˇ tsa, iˇ cuˆ sawˇ-eu tsaˇ meh. (Maˇ tehˇ 28:19, 20) Iˇ cuˆ sawˇ-eu jeˇ-aˇ nawˇ-eu g’awˇ mawˇ Jeˇ Hoˇ Baˇ Miˇ Yehˇ-ahˇ a nehˇ g’aˇ-eu ma lehˇ, aˇ tsawˇ-ahˇ bi mawˇ-eu shaˇ kiˇ pyeuˆeu meh. Teu baˇ daˆ neh, iˇ cuˆ sawˇ-eu jeˇ-aˇ Miˇ Yehˇ g’aˇ duˇ gaˇ mˇ-eu, aˇ k’oˆ aˇ la tsaˇ laˇ myaˇ lehˇ, noeˇ cehˆ-eu tsawˇ haˇ g’aˇ duˇ pyeuˆ-eu meh. Iˇ cuˆ sawˇ ngeh g’awˇ mawˇ mawˇ lah iˇ cuˆ laˆ k’oeˇ ya dehˇ nuiˆ meh*.–Maˇ kuˆ 1:9, 10; G’aˇ k’ehˇ 8:36.

3. Nawˇ-eu g’awˇ mawˇ Miˇ Yehˇ-ahˇ a nehˇ g’aˇ naˇ nawˇ shaˇ jaˇ dzaˇ taˇ-eu loˆehˇ, mˇ ni Jeˇ Hoˇ Baˇ Miˇ Yehˇ mawˆeu meh. (Ja ceuˇ 50:14; Dawˇ tsoˆ 5:4, 5) Nehˆ saˇ daˇ nawˇ Miˇ Yehˇ gaˇ maˇ bi mˇ ni bi byehˇ-eu lehˇ, nawˇ-ahˇ yaw k’aˆ k’aˆ-ehˇ muˇ juˇ laˇ tehˆa. (1 Beˇ tuˆ luˆ 5:8) Ehˇ k’awˆ guiˇ lahˇ shaˇ-eu laˆ k’oeˇ Miˇ Yehˇ dawˇ peh jiˆ tehˇ leˇ yawˇ. (Piˇ liˇ piˆ 4: 6, 7) Miˇ Yehˇ dawˇ kawˇ-ahˇ yawˇ nah na luˆ jaw geuˆ-awˇ. (Ja ceuˇ 1:1-3) Aˇ muˇ deuˇ nehˇ-ehˇ, aˇ myah luˆ cawˇ cawˇ aw. (Heˇ byehˇ 13:17) Teu loˆ-ehˇ mˇ naˇ, nawˇ Miˇ Yehˇ mehˇ shi ziˆ dah ni yawˆ nya laˇ-awˇ, g’aˇ-ahˇ laˇ tehˆ-a. k’oeˇ naˇ Miˇ Yehˇ mawˆeu jeˇ-ahˇ yawˇ jaw na mˇ g’eh nya tehˆ-a.

Heu naˆ maˇ tseˇ [Maˇ ngeuˇ naˇ] Nymˇ k’ahˇ laˆ k’oeˇ Jaˇ liˆ dzaw geuˆ mawˆ miˇ-a loˇ. peh dzehˇ-eu jawˇ duˇ Jeˇ hoˇ baˇ Saˇ kiˇ deuˇ-ahˇ Sahˇ boˆ boˆ nehˇ-aw. Jawˇ duˇ deuˇ