Kusala Kwenu Kwakuti Mubelekele Leza

1. Kutegwa mube balongwe ba Leza, mweelede kujana luzibo lwakasimpe kamu Bbaibbele (1 Timoteo 2:3, 4), kusyoma zintu nzyomwaiya (Ba-Hebrayo 11:6), kweempwa zibi zyanu (Incito 17:30, 31), alimwi akusanduka mubuumi bwanu. (Incito 3:19) Mpoona iluyando lwenu kuli Leza lweelede kumupa kuti mulyaabe kulinguwe. Eeci caamba kuti mumupailo wenu nobeni kuli Leza, mulamwaambila kuti lino mwalitola kulinguwe kuti kamucita kuyanda kwakwe.—Matayo 16:24; 22:37.

2. Mwamana kulyaaba kuli Leza, mweelede kubbapatizigwa. (Matayo 28:19, 20) Lubbapatizyo lulabazibya boonse kuti mwalyaaba kuli Jehova. Aboobo kubbapatizigwa nkwababo balo-balo ibasikide aciimo mpobanga basala kuti bamubelekele Leza. Ciindi muntu nabbapatizigwa, mubili wakwe woonse weelede kubbizigwa mumaanzi aciindi eco.*—Marko 1:9, 10; Incito 8:36.

3. Mwamana kulyaaba, Jehova uyooyanda kuti muzuzikizye cisyomezyo cenu. (Intembauzyo 50:14; Mukambausi 5:4, 5) Diabolosi uyoosoleka kumulesya kubelekela Jehova. (1 Petro 5:8) Pesi amuswene kuli Leza kwiinda mukupaila. (Ba-Filipi 4:6, 7) Amwiiye Jwi lyakwe buzuba abuzuba. (Intembauzyo 1:1-3) Amukakatile kumbungano. (Ba-Hebrayo 13:17) Kwiinda mukucita zyoonse ezi, muyooyumizigwa kuti muzumanane kusyomeka kuli Leza. Munzila eyi muyakukonzya lyoonse alyoonse kunoocita zintu Leza nzyayanda kulindinywe!

Sena mulayanda aambi makani naa ciiyo ca Bbaibbele caaŋanda citabbadalilwi mali? Amulembele Bakamboni ba Jehova kwiinda mukubelesya kkeyala yeelede. Kkeyala

* Mwakulwaizigwa kwiiya bbuku litegwa Luzibo Lutola Kubuumi Butamani noliba limbi lili mbuli ndilyo limwaigwa aba Watch Tower Bible and Tract Society, mukulibambila kubbapatizigwa.

Copyright © 2008 Watch Tower Bible and Tract Society of Pennsylvania. All rights reserved.