Mme Ntiense Jehovah—Mmanie ke Mmọ Ẹdi? Nso ke Mmọ Ẹnịm ke Akpanikọ?

Ikot Oro Inọde Fi

Nnyịn imadara ndida ediye uduot ekpri n̄wed emi nnyene nneme ye afo. Imodori enyịn ite ke afo amadara ndikpep n̄kpọ efen efen mban̄a Mme Ntiense Jehovah. Mbọk bọ ikot nnyịn ndiwaha nse nnyịn ke Ufọkmbono Obio Ubọn̄ n̄kann̄kụk nnyịn. Se nte inịmde mme mbono esop nnyịn. Se nte idomode ndibuana eti mbụk aban̄ade paradise isọn̄ ke idak Obio Ubọn̄ Christ ye mbon efen.

Abasi ọn̄wọn̄ọ enye. “Nnyịn itie ibet obufa enyọn̄ ye obufa isọn̄, nte un̄wọn̄ọ Esie edide; ndien edi do ke edinen ido edidụn̄.” (2 Peter 3:13) Ediwak isua ikie ẹmebe. Ini edibet oro asan̄a ekpere utịt esie. Mme idaha ererimbot ẹwụt emi.

“Adan̄a nte ẹkụtde ẹte usen oro ke asan̄a ekpere,” apostle Paul ọkọdọhọ ntem ete, “ẹyak nnyịn inyụn̄ ikere nte ikpedemerede kiet eken inọ ima ye nti utom; ikûnyụn̄ isịn ndisop idem ọtọ kiet.” (Mme Hebrew 10:24, 25) Nnyịn imọnọ fi ikot ndinam item Paul ebe ke ndisop idem ye nnyịn.

Nte Afo Ayadara Ẹdise Fi?