 |
Beliefs | Future | Medical | Topics | A cɛlɩnyɩ 'wυ | Publications | Languages |
| ΄Saa Lagɔ yɩbhä bhä -a nɩ nʋ ΄nɩ? | ΄cɩɛcɩɛ kïbhë 2  |
-Mɔ -lɛ bhä Lagɔ ΄nɩ? |
|
 |
-Mɔ -lɛ bhä -tiamö a Lagɔ ΄nɩ, a ΄yɩ bhä ɔ ΄nglɩ ΄nɩ? (1, 2) |
|
΄Saa nyɩ kpökpa ɔ ΄kä bhä ΄nɩ? (3) |
|
Sɛ ɔ -wʋwʋsaa -wʋ ɔ ΄mö ΄nɩ (4) |
|
-A bhɛnɩ bhä -a ΄kä -lii mimii-nyɛ -glɛkwlɩɩ ΄sɔ ΄mö ghlɛnɩ -a ΄kä Lagɔ bʋbɔɔ -a? (5) |
|
-Lii -mii ΄sɔ bhɛnɩ bhä yi -kanyɩ kwänɩ -a ΄kä Lagɔ yɩbhlɩnɩ ΄nɩ? (6) |
1. -Lii a -bɛ ΄mö nɩkpa bʋbɔɔ. Maa sɛ΄ɛ Biblë -nyanyɩɛ ΄dɩ nɩɩ, -TIAMÖ a Lagɔ -bhlʋ ɔ -bhliɛ. Mɔɔ -lɛ zlɩ ΄mö -nyɛ dʋdʋ ΄wʋ ΄sɔ a -lii ΄wuë a wälanyɔ. -Mɔɔ -lanyɩɛ ΄pɩwʋ, zaa ɔ ΄yize -kpöö, ΄mö -a kää -a ΄kä bʋbɔ. Kɔlɛɛtɩ a -nʋa 8: 5, 6; ΄Klʋkälɩwɛlɩɩ 4:11..
2. Lagɔ kä bhɩzɩnglɩɩ a -bɛ, maa ɔ kä ɔ -tiamö a ΄nglɩ. Mɩɩ -lɛ ZOOVA. -Mä Biblë a -bɛ ΄mö, Lagɔ ΄a -tiamö a 'nglɩ ΄mö wa -sɛ -mä ΄n wa yiɛ bhɩzɩnglɩɩ -ATƲ -nyɛ LAGƆ ΄sɔ ΄mö zigbanɩ. Maa wa ΄cɛlɩɛ Biblë cuu, ΄nglɩ -yɩ lɛ Zoova -wʋa -mä ΄wʋ a 7000 a sɛ la!— Exode 3: 15; Psaume 83: 18.. 3. Zoova kä kpökpa, maa a΄a nɩkpɛ a sɛ -wʋ. Sɛ΄ɛ Biblë gbää nɩɩ: “Lagɔ ΄wugɔmʋ ɔ glɩnɩɛ.” (Zaah 4: 24) ΄Wugɔmʋ ΄nɩɛ nɩkpɛ a sɛ -wʋ. Zaa wʋ ΄ghïlinɔɔ zi tenyii a nʋ ΄wʋ. Nɩkpɛ ΄nɩɛ -bhlɛ tɛkäsɛ Lagɔ ΄ylɩmö. -Mä zlɩ ΄mö -mä Zoova glɩɛ, maa ɔ bhɛnɩ ɔ ΄kä -lii ΄wuë ΄ylɩmö. (Psaume 11: 4, 5; Zaah 1: 18) ΄Saa wa la bhä Lagɔ ΄a ΄wugɔmʋʋ ΄nɩ? Wa -kä Lagɔ ΄a ΄wugɔmʋʋ nʋʋ, ɛ΄ɛ -bhö nɩkpɛ, maa Lagɔ ΄a mötɛɛnɔ muë.— Psaume 104: 30. 4. Sɛɛ Zoova wʋwʋnɩɛ ΄mö, -sɩbhä Biblë -sʋlʋnɩnyɩɛ. Mɛ -sʋlʋnɩnyɩɛ nɩɩ, Zoova nɩkpa ɔ -wa, ɔ zlɔnɩ ΄mö, ɔ ΄nɛɛ, ΄n ɔ tɛ ΄mö. (Deutéronome 32:4; Job 12: 13; Isaïe 40: 26; 1Zaah 4: 8) Sɛ΄ɛ Biblë -nyɩanyɩ΄ɛ ΄dɩ nɩɩ, Zoova kä ngäzɩdlɩ, ɔ ΄tatinɩ ΄nyinylolii a gbʋʋ yi, ɔ nɛnɩ dlɩzɛmö ΄n ΄ɔ kpaanɩɛ dlɩ ΄mö. Sɛ yuë zʋä wa -lowluwa ΄klʋkpamö, -a nɩ yɩlɩ ΄ɔ ΄zʋzʋsaa ΄wʋ -a ΄kä -sɩbhä ΄zʋmö.— Ɛfɛɛzɩ a -nʋa 5: 1, 2.
5. -A -kä Lagɔ bʋbɔɔ yi, -a kä bhä -a ΄kä -glɛkwlɩɩ -nyɛ ΄tɛlɩtɛlɩɩ swii wa laa lagwɩ ΄sɔ dlɩ ΄mö -kokomïladigbï glu ΄pä -a kɩɩ bʋbɔ -a? -N΄nn! (Exode 20: 4, 5) Zoova lɛ nɩɩ, ɔ ΄yize -kpöö ΄mö -a kä -a ΄kä bʋbɔ. Maa ɔ -nyɛ nɩkpɛ -nyɛ käbölu ΄sɔ ΄nɩɛ ΄ghïlinɔɔ ΄wʋ gbɔɔ. -Glɛkwlɩɩ ΄nɩɛ ΄mötɛɛnɔ kä yɩ -kanyɩ kwänɩ.— Psaume 115: 4-8; Isaïe 42:8. 6. Sɛɛ -a ΄kä bhä sasɛ Lagɔ yɩbhlɩnɩ ΄nɩ? Tɛkädɔ΄wʋ: -A nɩ ylɛɛ ΄ɔ -bhɛbhɛlii ΄n -a nɩ pä ΄saa yɩ -sʋlʋnɩnyɩɛ dlɩ ΄wʋ. Lagɔ ΄a ΄mötɛɛnɔɔ ΄kɔdʋʋ -nyɛ ΄ɔ ΄nɛɛnɔɔ ΄kɔdʋʋ ΄sɔ, ΄mö ΄ɔ -bhɛbhɛlii -tulanɩnyɩɛ ΄ylimö. ΄Ɔ -bhɛbhɛlii ΄wuë ΄mö -mä -a yɩnɛ ΄ɔ nɩkpa a -wawʋʋ ΄ylɩmö. (Psaume 19: 1-6; Ghlɔɔmö a -nʋa 1:20) ΄N ΄sɔnadɔ΄wʋ -a kä΄ɛ nʋ nɩɩ -a ΄kɔ sasɛ yɩbhlɩnɩ nʋʋ, -a΄a nɩ ΄cɩɛ Biblë. -Mä ɛ ΄mö -mä ɔ -sʋlʋnɩnyɩɛ sasɛ ΄ɔ -wʋwʋsaa. ΄Ɔ ΄saa ɔ ΄kää nʋ -nyɛ, ΄saa ɔ yɩbhä a nɩ -nʋ ΄sɔ, ΄mö ɔ -sʋlʋnɩnyɩɛ.— Amos 3:7; 2Timotee 3: 16, 17. |
|
Wa –bhɛnɩɛ 2007 |
 |
Copyright © 2012 Watch Tower Bible and Tract Society of Pennsylvania. All rights reserved. |
|
