 |
Beliefs | Future | Medical | Topics | A cɛlɩnyɩ 'wυ | Publications | Languages |
| ΄Saa Lagɔ yɩbhä bhä -a nɩ nʋ ΄nɩ? | ΄cɩɛcɩɛ kïbhë 5  |
΄Saa Lagɔ yɩbhä bhä dʋdʋkpäta a dɔ΄wʋ ΄nɩ? |
|
 |
΄Saa kä bhä ΄nglɩ 'n Zoova yi bhä dʋdʋkpäta ΄wäla 'nɩ? (1, 2) |
|
' Saa kä bhä ΄nglɩ 'n dʋdʋkpäta nɩ bhä zɩɛ ΄bhlɩ a -bhlɩɩ glɩnɩ 'nɩ? (3) |
|
΄Saa ΄kä bhä ΄nyinylolinʋwa ghlɩ 'nɩ? (4) |
|
΄Saa Zezwii ΄kä bhä bhäla guzuwa, -wa yɛɛ ΄ku ΄wë -nyɛ gɔgɔwa ΄sɔ ΄wlu nʋ ΄nɩ? (5, 6) |
|
Sɛ a ΄kä bhä ΄zʋ, nzɩ a ΄kä -li a -li ΄la ghlɩmö ΄nɩ? (7) |
1. Nɩkpa ΄kä ΄kwädlɩkwädlɩnɩ ΄mäna ΄mö -bhölɩnɩ a za, Zoova ΄wäla dʋdʋkpäta. Nɩkpa wa zlɔnɩɛ ΄mö, ΄mö ɔ yɩbhää nɩɩ, wa nɩ -wʋ ΄mäna ΄mö ΄kwädlɩkwädlɩnɩ mä΄ä dʋdʋ ΄wʋ. (Psaume 115: 16; Isaïe 45: 18) Dʋdʋkpäta ΄naa ΄kä ΄yli bhɩɛ ΄lɩlɩlɩ, maa a yi ΄kwädlɩkwädlɩnɩ -bhölɩ ΄yize.—Psaume 104:5; Ecclésiaste 1:4. 2. Dʋdʋkpäta a dɛ -bhlʋ, -lɩbhä Lagɔ ΄zʋä ΄bhlɩ a -bhlɩɩ ΄wʋ ΄wëë, ΄n ΄ɔ yiɛ bhäla nɩkpɛ -bhɛ. -Lɛ a bhlea ΄la, ΄mö ɔ laa Edɛɛnɩ a lagblɛ. -Lɩbhä ɔ ΄zʋä tɛkänɩkpɛ Adaa -nyɛ ɔɔ nglɔ Ɛɛvö ΄sɔ. Lagɔ ΄yɩbhä la nɩɩ wa nɩ gwälɩ ΄yuë, wa ΄kä mä΄ä dʋdʋ ΄wʋ zumanɩ, nzɩ wa ΄kä pɛɛpɛpɛɛpɛ dʋdʋkpäta ΄wuë ΄bhlɩ a -bhlɩɩ ΄wʋ ΄zʋa.— Genèse 1:28; 2: 8, 15.
3. -Blipäsɛ Adaa -nyɛ Ɛɛvö ΄sɔ -sɛɛ Lagɔ ΄a gbaa ΄klʋkpamö. Nza Zoova kpëtuë -mä Edɛɛnɩ a lagblɛ ΄mö. Zaa ΄bhlɩ a -bhlɩɩ yɛ a tʋʋ. (Genèse 3: 1-6, 23) Maa ΄saa Zoova yɩbhä a-a ɔ ΄kä dʋdʋkpäta ΄wʋ nʋ, ɔ ΄nɩɛ ΄wʋ dlʋnɩ. Sɛ΄ɛ ɔ gbä a-a nɩɩ dʋdʋkpäta ΄wuë nɩ ΄zʋ ΄bhlɩ a -bhlɩɩ, -mä nɩkpa ΄wuë ΄kää ΄kwädlɩkwädlɩnɩ -bhölɩnɩ. Sɛ ɔ ΄kä bhä ΄zʋ nzɩ dʋdʋkpäta ΄wuë ΄kä ΄bhlɩ a -bhlɩɩ ΄zʋ ΄nɩ?—Psaume 37:29. 4. ΄Nyinylolinʋwa ΄maa ΄kä ΄yli bhɩɛ ΄wë, ΄n dʋdʋkpäta ΄kää bhäla ΄bhlɩ a -bhlɩɩ zʋ. (Psaume 37:38) Lagɔ ΄a tʋʋ wa laa Amagedɔɔ, ΄mö ɔ ΄kää ΄mö ghlɛnɩ, nzɩ ɔ ΄kä ΄nyinyloli ΄yli bhɩa. Yɩ -kä -sɩbhä ΄plɩ ΄wë, wa yi Sataa -jie ΄mö ΄pä, ɔ yi ΄mö ΄ylʋbö a 1.000 -bhlʋ -sɛ. Mɩɩ sɛ zɛmö nɩɩ, ΄nyinylolinʋnyɔ bhlʋ a΄bhë ɔ ΄kää dʋdʋ nyima, ΄naa ΄käa΄a -bhölɩɩ ΄lɩlɩlɩ. Lagɔ a -nʋa a ΄yize mʋa ΄kää tʋ ngli ΄wlʋ.—΄Klʋkälɩwɛlɩɩ 16: 14, 16; 20:1-3.. 5. -Mi ΄la -kä ΄plɩ ΄wë, ΄n Zezwii Klii ΄kää mä΄ä dʋdʋ ΄wʋ ΄kämanɩ -këë ΄ylʋbö a 1.000 -bhlʋ ΄kä ΄plɩ. (΄Klʋkälɩwɛlɩɩ 20: 6) Pɛɛpɛpɛɛpɛ ɔ ΄kää -a΄a dlɩ zɛmö -nyɛ -a΄a kpökpa ΄mö ΄sɔ ΄nyinyloli -sɛ. Sɛ Adaa -nyɛ Ɛɛvö ΄sɔ -wʋ a-a ΄wlɩlɩ tɛɛtɛɛdɔ΄wʋ ΄n wa yiɛ Lagɔ ΄klʋkpamö -sɛ, -sɩbhä -a ΄kää ΄wlɩlɩ plɛ. Gu lɩbhälɩbhʋ, gɔgʋʋ -nyɛ kwie ΄sɔ ΄naa ΄kä -bhölɩ. Ɛ΄ɛ -bhö nyɩasɛ, maa guzuwa yi yɛmanɩ, gɔgɔwa yi ΄sɔ dɩkpö ΄wʋ ΄zʋnɩ.—Job 33: 25; Isaïe 33: 24; ΄Klʋkälɩwɛlɩɩ 21: 3, 4. 6. Zezwii a ˀylʋbö a milɩ -bhlʋ a ˀkämanɔ a ˀtɛnyɩ ˀmö, nɩkpa -wa tɛɛnɩɛ Lagɔ dlɩ, mʋa ˀkää dʋdʋkpäta ˀbhlɩ a -bhlɩɩ ˀwʋ ˀzʋa. (Lwiikö 23:43) -Wa yɛɛ ˀku ˀwë a bäbätɛ yi -glu ˀwlʋ wa ˀkä mäˀä dʋdʋ ˀwʋ -bhölɩnɩ. (Tietiewaa a wɛlɩɩ 24:15) ˀN wa -kä ˀsaa Lagɔ yɩbhä nʋʋ, wa yi ˀkwädlɩ mäˀä dʋdʋ ˀwʋ -bhölɩnɩ ˀyize. Maa, ˀn wa nɩ nʋʋ, ˀyli wa ˀkää bhɩɛ ˀlɩlɩlɩ.—Zaah 5: 28, 29; ˀKlʋkälɩwɛlɩɩ 20: 11-15. 7. Ɛ΄ɛ -bhö nyɩasɛ, maa -mii Lagɔ yɩbhää ɔ ΄kä tɛkädɔ΄wʋ mä΄ä dʋdʋ ΄wʋ nʋʋ, ΄yli yɩ ΄kää ΄wlʋnɩ. A yɩbhä bhä a ΄kä -Li a -lii ΄la ghlɩmö -a? A kä a ΄kɩ ghlɩmö nʋʋ, a nɩ tɛlɩ sɛ a ΄kä Zoova yɩbhlɩnɩ ΄yize, nzɩ a ΄kä ΄saa ɔ yɩbhää nʋ. Yi ΄kanyɩɛ kwänɩ miɛ nɩɩ, a -nyɛ Zoova ΄a bhlɩnɩwaa ΄sɔ, a nɩ yɩbhänɩ ΄gämö ΄wlu -mä ΄wa Lagɔ ΄a ΄kämanɔɔ a -budu -wʋ -wʋä -mä a yɔwʋ ΄mö.—Isaïe 11:9; Ebleewaa 10: 24, 25.
|
Wa –bhɛnɩɛ 2007 |
 |
Copyright © 2012 Watch Tower Bible and Tract Society of Pennsylvania. All rights reserved. |
|
