Päpägböö -nyɛ dlɩwʋkälii ΄sɔ -yɩɛ Lagɔ dlɩ yɔwʋ nɛnɩ - Zoova ΄a Bhlɩnɩwaa a Watchtower Society a Site Web 'bhli lowliwa nyɛ 'bhlibhë ' wʋë yiɛ

Zoova ΄a Bhlɩnɩwaa a Watchtower Society a Site Web 'bhli lowliwa nyɛ 'bhlibhë ' wʋë yiɛ

Beliefs

Future

΄Saa Lagɔ yɩbhä bhä -a nɩ nʋ ΄nɩ?

΄cɩɛcɩɛ kïbhë 11

Päpägböö -nyɛ dlɩwʋkälii ΄sɔ -yɩɛ Lagɔ dlɩ yɔwʋ nɛnɩ
	Päpägböö -nyɛ dlɩwʋkälii ΄sɔ a -mii nɩ bhä nɛnɩ ΄nɩ (1)
	Klɩtiɛwaa yi bhä dlɩ ΄wʋ -kä nɩɩ, Lagɔ ta ΄mö ɔ -wʋ bhä? (2)
	΄Saa ΄kä bhä ΄nglɩ ΄n -Tiamö a Klɩtiɛwaa nɩ -sɛ bhä Nowɛlɩ, Paakö -nyɛ Zavie ΄sɔ, ΄n -wa ΄bhli΄ɛ ΄wa gwälɩzlɩ ΄wʋ ΄nɩ? (3, 4)
	-Wa yɛɛ ΄ku ΄wë bhɛnɩ bhä wa ΄kä -wa -bhölɩɛ -lizoku ΄wlu nʋ -a? (5)
	Klʋwaa ΄klʋ Zezwii ΄kunɩ bhä ? (6)
	Lagɔ a dlɩ yɔwʋ nɛnɩmanɩ nɛnɩmanɛ kä bhä dɛsɛ -a? (7)

Lagɔ ΄nɩɛ ta 'mö -wʋ.

1. Dlɩwʋkälii -nyɛ nɩkpa a päpägböö ΄wuë ΄sɔ, mɩɩ ΄nɩɛ zokuu glɩnɩ. Maa, -yɩ ΄bhöönɩɛ -mä ΄fʋ a lagɔgligbïï ΄mö, ΄n -mii Biblë ΄nɩɛ ΄cɩa, mɩɩ ΄nɩɛ Lagɔ dlɩ yɔwʋ nɛnɩ.—Matie 15:6.

2. Ta΄mö -wʋwʋɛ: Zoova ΄mö Ta ɔ -wʋ bhä -a? Yɩ sɛ zɛmö nɩɩ, nɩkpa ta wa -bhliɛ Lagɔ -bhlʋ. N΄nn! Zoova mɔɔ -lɛ Dɩba mɔ. Mɔɔ -lɛ “ɔ ΄yize -tiamö a Lagɔ.” (Zaah 17:3; Maakö 12:29) Zezwii mɔɔ -lɛ Lagɔ ΄a tɛkäyuu, zaa Lagɔ mɔɔ glɩnɩɛ ΄ɔ ΄wukpëlea. (1Kɔlɛɛtɩ a -nʋa 11: 3) Dɩba mɔ ΄ghïliɛ tenyii mɔ ziiiɛ yuu ΄wʋ. (Zaah 14:28) Lagɔ ΄a ΄wugɔmʋʋ nɩ -bhö nɩkpɛ, maa Lagɔ ΄a ΄mötɛɛnɔɔ -muë. Genèse 1:2; Tietiewaa a wɛlɩɩ 2:18.

Nowɛlɩ, Paakö -nyɛ Zavie ΄sɔ, -mä bhla΄mö a ΄fʋ a lagɔgligbï ΄mö yɩ΄bhöönɩɛ

-Aaa -kä -a ΄kä -wa yɛɛ ΄ku΄wë a nganɔ ku ΄mö -kä, nzɩ -a ΄kʋä΄ɛ bʋbɔ.

3. Nowɛlɩ, Paakö -nyɛ Zavie ΄sɔ: -Wa΄aa Zezwii Desablë a ylɩ a 25 ΄mö gwälɩ. Maa Ɔtɔɔblë a tɛɛtɛɛdɔ΄wʋ a sɛ ɔ gwëlioo. ΄Ylʋba a ΄tɛnyɩ -bhlʋ ΄mö, dɛ wïlagänɩwa tɩɩɛ ΄wa wïlaa sabʋsɛ ΄pɩwʋ a ΄tɛnyɩ ΄mö, ɔ gwëlioo. (Lwiikö 2: 8-12) Zezwii ΄nɩɛ -bhlɛ tɛkäsɛ Klɩtiɛwaa ΄dɩ ΄nyɛ nɩɩ, wa nɩ ΄bhli ɔ gwälɩzlɩ ΄wʋ nʋ. Maa sɛ΄ɛ ɔ ΄nyɛɛ ΄ɔ ΄wʋ-bhlinɩwaa ΄dɩ nɩɩ, wa dila nɩ bhlinɩ -lɛ ɔ kwie a da. (Lwiikö 22: 19, 20) -Mä bhla΄möa ΄fʋ a lagɔgligbïï ΄mö, -mä Nowɛlɩ, Paakö -nyɛ Zavie ΄sɔ a päpägböö ΄bhöönɩɛ. Sɛ tɛkädɔ΄wʋ a Klɩtiɛwaa nɩ -sɛ Nowɛlɩ, Paakö -nyɛ Zavie ΄sɔ, -sɩbhä zɩɛ a Klɩtiɛwaa ΄zʋmöä.

4.Gwälɩzlɩ a ΄wʋbhlizlɩ: Nɩkpa ΄sɔ -wa΄aa Zoova a bʋbɔbʋbɔwa glɩnɩ, wa ΄yize a gwälɩzlɩ a ΄wʋbhlizlɩ a gbʋ ΄mö Biblë bhïlaa. (Genèse 40: 20-22; Maakö 6: 21, 22, 24-27) Tɛkädɔ΄wʋ a Klɩtiɛwaa nɩ ΄bhli ΄wa gwälɩzlɩ ΄wʋ. Ɛ΄ɛ -bhö nyɩasɛ, maa -mä bhla΄mö a ΄fʋ a lagɔgligbïï ΄mö -mä gwälɩzlɩ a ΄wʋbhlizlɩ -nyɛ ɛ päpägböö ΄sɔ ΄bhöönɩɛ. ΄Ylʋba a zila ΄wuë ΄mö, -tiamö a Klɩtiɛwaa li ΄mäna, wa ΄nyɛnyɛnɩ -lii..

5. -Wa yɛɛ ΄ku ΄wë a nganɔ: Nɩkpa -wa yɛɛ ΄ku ΄wë ΄nɩɛ bhɛnɩ wa -kanyɩ -lu nʋ ΄lɩlɩlɩ, ΄n wa΄aa΄ɛ -lu yi ΄lɩlɩlɩ. -Aaa bhɛnɩ -a kʋä kwänɩ, ΄n wa΄aa΄ɛ bhɛnɩ wa -kanyɩ -lizoku ΄wlu nʋ. (Psaume 146:4; Ecclésiaste 9: 5, 10) ΄Nyɛpɛnyɛpɛnyɔ ΄ku ɔ kuë, zaa nɩkpɛ -kä ΄ku ΄wë, ɔ΄ɔɔ΄a käbödɛ -bhölɩnɩ. (Ezékiel 18: 4) Maa zuzukuzoku mɩɩ yiiɛ nɩkpa ΄a -muë yɛ ΄kuä a sa. Nza nɩkpa ΄a päpägböö ΄wuë -yɩ kää -wa yɛɛ ΄ku ΄wë a nganɔ gwë, ΄n wa bhïlanɩɛ -gäzɛ ΄wlu ΄mö, -sɩbhä a -lii ΄wuë ΄nɩɛ nɛnɩ.—Isaïe 8: 19.

6. Klʋwaa: Zezwii ΄nɩɛ klʋwaa ΄klʋ ΄kunɩ. Maa -lɛ su kïbhë -bhlʋ klʋ, -lɩbhä ɔ ΄kunɩɛ. -Mä Glɛkö gbʋ ΄mö a kïbhëa wa -sɛ zɛmö wa Laa “klʋwaa” -mä Biblë a -bɛ ΄mö, sɛ΄ɛ a sɛɛ zɛmö nɩɩ, su kïbhë -bhlʋ. -Mä bhla΄mö a ΄fʋ a lagɔgligbïï ΄mö -mä klʋwaa ΄bhöönɩɛ. Bhla΄mö a Klɩtiɛwaa nɩ -sumö klʋwaa, za wa na΄ɛ bʋbɔmö. Yɩ ΄wuë ΄mö ΄a dɔ΄wʋ, yɩ nɛnɩ bhä -a ΄kä klʋwaa Lagɔ bʋbɔnɩ -a?—Deutéronome 7:26; 1Kɔlɛɛtɩ a -nʋa 10: 14

7. Dlɩwʋkälii -nyɛ päpägböö ΄sɔ a yi ΄tatinɩ dɔ΄wʋ, yɩ yi ΄mö ΄tɛɛ. A -lowluwa -nyɛ a ΄bhɩa ΄sɔ sɛ wa kää tɛlɩ wa kanyɩ -mä ΄sunɩ, nzɩ a ti΄a kɛ΄mö -sɛ. Maa Lagɔ -nyɛ nɩkpa ΄sɔ a dɔ΄wʋ, -a ΄kä Lagɔ dlɩ yɔwʋ nɛnɩmanɩ mii kä dɛsɛ.proverbes 29: 25; Matie 10: 36,37.

Wa –bhɛnɩɛ 2007
Copyright © 2012 Watch Tower Bible and Tract Society of Pennsylvania. All rights reserved.