Sɛɛ Zoova ΄a Bhlɩnɩwaa gïganɩ bhä ΄wlu ΄nɩ? - Zoova ΄a Bhlɩnɩwaa a Watchtower Society a Site Web 'bhli lowliwa nyɛ 'bhlibhë ' wʋë yiɛ

Zoova ΄a Bhlɩnɩwaa a Watchtower Society a Site Web 'bhli lowliwa nyɛ 'bhlibhë ' wʋë yiɛ

Beliefs

Future

΄Saa Lagɔ yɩbhä bhä -a nɩ nʋ ΄nɩ?

΄cɩɛcɩɛ kïbhë 14

Sɛɛ Zoova ΄a Bhlɩnɩwaa gïganɩ bhä ΄wlu ΄nɩ?
	-Zlɩmɛ -a΄a ΄tɛnyɩ ΄mö a Zoova ΄a Bhlɩnɩwaa ΄a wɛlɩ tɛɛ bhä ΄nɩ? (1)
	Zoova ΄a Bhlɩnɩwaa -kä ΄wlu ΄yɩbhä, sɛ wa ΄zʋzʋnɩ bhä ΄mö ΄nɩ? (2)
	Dɛɛ wa sɛ bhä moni ΄n wa ΄pɛnɩ bhä ΄wa lagɔlibhoo a -lii ΄wuë a ΄wlumö ΄nɩ? (3)
	-Wa -gänɩ bhä -zɩkpöö ΄yuku ΄nɩ? (4)
	Wluyɩbhäyɩbhʋʋ a ΄kädɩɩ a -mii wa kä bhä ΄ylʋba ΄ylʋba ΄mö ΄nɩ? (5)
	Libhoo a mʋ wa nʋ bhä -mä Zoova ΄a Bhlɩnɩwaa -wa -wʋä bhlɩɩ ΄wuë -gömö a lagɔbudu ΄kɔdʋ -nyɛ Betɛlie -mimii ΄sɔ ΄mö ΄nɩ? (6)

1. -A΄a ΄tɛnyɩ ΄mö a Zoova ΄a Bhlɩnɩwaa a wɛlɩ ΄ylʋba wa laa 1870 ΄mö yɩɩ tɛɛ. Wa tɛɛ cuu, wa nglɩ a-a Biblë a ΄Cɩɛcɩɛwa. ΄N ΄ylʋba wa laa 1931΄mö, wa yɩɛ -mä Biblë ΄mö a ΄nglɩ yɩ lɛ Zoova ΄a Bhlɩnɩwaa ΄wʋ libhï. (Isaïe 43:10) Wa tɛɛ a-a cuu wa -zɩkpa ΄mö a -nʋa ΄nɩɛ a-a -zu, maa -sɩkaa a dɔ΄wʋ, milinywɩɩ wa -bhliɛ. ΄N wa bia lagɔwɛlɩɩ -mä bhlɩɩ ΄a 235 -gömö.

2. ΄Wʋ ta Zoova ΄a Bhlɩnɩwaa ΄yɩbhänɩɛ ΄dimasɩ -bhlʋ ΄mö ΄wlu. Wa yɩbhä nɩɩ -n -nyʋä ΄sɔ nɩ ΄yɩbhänɩ ΄gämö ΄wlu. (Ebleewaa 10: 24, 25) Wa -kä ΄wlu ΄yɩbhää, -mä Biblë ΄mö ΄a wɛlɩɩ mɩɩ -lɛ wa ΄cɩacɩʋʋ a ΄bhöönɩda. Wa -kä ΄wluyɩbhäyɩbhʋʋ tɛɛ, Lagɔ ΄mö wa bhibhee ΄wë, ΄n wa -kä΄ɛ zɛmö bhɩɛ, wa bhibhenɩɛ ΄sɔ Lagɔ. -Mä wa ΄wluyɩbhäyɩbhʋʋ ΄mö, lagɔlwɩɩ ΄mö wa bhlɩnɩɛ -mä. (Ɛfɛɛzɩ a -nʋa 5: 18, 19) ΄Wa -sɛ -mä kɔlɛtɩ, ΄n -mä plɛplʋ ΄nɩɛ ΄pɛna -kä—Matie 10: 8.

3. -Mä Lagɔ ΄a ΄Kämanɔɔ a -Budu ΄mö, -mä -zɩkpöö a -bɛ ΄yɩbhänɩɛ ΄wlu. -Bïdi yɩɛ käbösɛ -wʋ, ΄mö Zoova ΄a Bhlɩnɩwaa wa΄aa pɛnɩɛ ΄sɩbhää. -Mä Lagɔ ΄a ΄Kämanɔɔ a -budu ΄mö a ΄na ΄kä -mä glɛkwlɩɩ -nyɛ klʋwaa ΄sɔ a sɛ a -lu ΄ylɩmö. Ɔ -kä ΄saa ɔ yɩbhää ΄nyɛ a moni, ΄mö wa libhïä ΄wʋ ΄n wa ΄pɛnɩɛ lagɔlibhoo a -lii ΄wuë a ΄wlumö. Maa, -wa yɩbhää wa ΄kä -lu ΄nyɛ, -su pɩɩ -dɔkwɩɩ a ke -bhlʋ -wʋ -mä, yɩ ΄mö wa zʋä ΄saa wa yɩbhä.2 Kɔlɛɛtɩ a -nʋa 9: 7.

4. -Bhlʋ -bhlʋ -zɩkpa kää ΄yukugänɩwa, ΄mö wa la΄ɛ ΄wʋ ΄dɩdɩwa. -Mä -zɩkpa ΄mö, mʋa -gänɩɛ lagɔwɛlɩɩ a ΄cɩacɩʋʋ ΄yuku. (1Timotee 3: 1-7; 5:17) Ngäzɩwaa a ΄ylizʋnɩwaa mʋa kwänɩɛ ΄yukugänɩwaa. (1Timotee 3: 8-10, 12, 13) ΄Yukugänɩwa ΄nɩɛ wa lagɔdayuë -gömö ΄kämanɩ. (2 Kɔlɛɛtɩ a -nʋa 1:24) Wa΄aa käbönglɩ paa. (Matie 23: 8-10) Wa΄aa ΄wa -zɩbʋ -banɩ kä. Wa nuë ΄wa lagɔlibho a za ΄pɛnɩ. ΄Fʋ ΄yukugänɩwa ΄cɩa -mä -zɩkpa ΄mö a -nʋa lagɔwɛlɩɩ. -Mä ΄zwɩzizee ΄mö, ΄mänasɛ wa ΄pʋa swɩɩ nyɛmʋ ΄mö ΄n wa zuë ΄dɩ ΄mö. Zaakö 5: 14-16; 1Piɛlɩ 5: 2, 3.

5. ΄Wluyɩbhäyɩbhʋʋ a ΄kädɩ ΄mö Zoova ΄a Bhlɩnɩwaa kää ΄ylʋba ΄ylʋba ΄mö. -Lɛ a ΄tɛnyɩ ΄la ΄mö, -zɩkpöö a -bɛ mii ΄yɩbhänɩɛ ΄gämö ΄wlu, nzɩ yɩ ΄kä -mä Biblë ΄mö a ΄cɩawɛlɩɩ ΄yukwli -pʋnɩ. -Wa zʋä ΄lili ΄wʋ Zezwii a -nʋa, ΄mö wa badizee -mä ΄wluyɩbhäyɩbhʋʋ ΄la ΄wʋ.—Matie 3: 13-17; 28: 19, 20.

6. Zoova ΄a Bhlɩnɩwaa wa -wʋä -mä bhlɩɩ ΄wuë -gömö a lagɔbudu ΄kɔdʋ -mä wʋ glɩɛ New York. ΄Yukugänɩwaa a -zɩkpa -bhlʋ -a ΄nɛɛnɩɛ lagɔwɛlɩɩ a dɔ΄wʋ ΄ylimö, wa laa Sasɛ Libhonʋnyɔ a ΄yukugänɩwa -mä a -glɩɛ, ΄n a -gänɩɛ bhlɩ ΄wuë -gömö a -zɩkpöö ΄yuku. Wa kä mö΄ɛ Betɛlie -mimii -mä bhlɩɩ a 110 -gömö, yɩnyɩ ΄mö lagɔdaayue -mumuë wa΄a pɛnɩɛ nʋä libho, ΄n wa -bhɛɛ lagɔbɔgwɩɩ wa dlinɩɛ sa ΄wuë. -Mä Betɛlie ΄la ΄mö, -mä wa gïganɩɛ lagɔwɛlɩɩ a bia libhoo ΄wlu. A bhɛnɩ a ΄kä -mä a yɔwʋ a Betɛlɩ ΄mö yɩlɩɛ ΄mö.

Wa –bhɛnɩɛ 2007
Copyright © 2012 Watch Tower Bible and Tract Society of Pennsylvania. All rights reserved.