ХАРЦБОЛА ДИ
ХАЬДДА ДІАБАЛАР
ГАРГА ДА!

Харцбола ди яхалга фуд? Согато йой хьона динан цІерах деш долча зуламаш? Мишта хет хьона, шоаш Даьлан гІулакхий ба яхараш, тІемаштеи, терракташтеи юкъе дакъа лоацаш хилар? Халахетий хьона динан техь лелаш ба яхараш тийша болх боаллаш хиларах? ДукхагІа долча воча хІаман лард хинна хІана латташ ба ди?

ХІаьта бехк массадолча динош тІа бац, харцболча дин тІа мара. Дуккхача меттигашка вовзашеи лоархІашеи волча Іийса пайхмаро яхад, харцболча дино йохкаеннача гаьно мо «во сомаш лу» (Матфея 7:15—17). ХІаьта, малагІа сомаш лу харцболча дино?

Харцболча дино...

ТІЕМАШТЕИ ПОЛИТИКАИ ЮКЪЕ ДАКЪА ЛОАЦ. Ерригача Азе гІолла а, хІаьта кхыча меттигашка а Іаьдал шоай каралаца гІерташ болча дина кулгалхоша, эхь ца хеташ, Даьлах тешаш болчарех шоай гІулакха пайда эц»— йоах «Эйшауик» яхача журнала тІа. ДІахо цу тІа маІан ду: «Вай дуне кІез-кІезиг хьаьрдоалаш латт». Цхьан цІихеза волча американски динан гІулакххочо аьннад: «Террористаш бе беза, цар зуламе гІулакхаш соцадара». Из мишта де деза йоах цо? «ХІалакбе беза уж массабараш Даьла цІера духьа!»,— аьнна кхайкам баьб цо. ХІаьта Даьла Деша тІа дувцаш да: «„Сона Даьла веза“ яхаш, ший воша цавезашвар харцлувшавола саг ва» (1 Иоанна 4:20). Цул совгІа Іийса пайхамаро аьннад «Шоай моастагІий а безаш хила» (Матфея 5:44). Дукха дий-теш тІем тІа дакъа ца лоацаш дола динаш?

ХАРЦДОЛА ХЬЕХАМАШ ДОАРЖАДУ. ДукхагІа долча динаш Іомаду, са — саг леча хана, цун дегІачара хьаара а даьле дахаш хул, яхаш. Цу хьехамах дина гІулакххоша пайда эц бейнарашта тІера дуІаш дарах ахча а доахаш. ХІаьта Даьла Деша тІа кхыдар дувц: «Са ла», йоах цу тІа (Иезекииль 18:4). «Дийна болчарна хов шоаш лергболга, хІаьта бейнарашта хІама хац» (Екклесиаст 9:5). Іийса пайхамар хьехаш хиннав бейнараш юхадийнбергба яхаш, хІаьта из цаэшашдола хІама дар сагий цалешдола са хилача (Иоанна 11:11—25). Шун ди бий, са лац яхаш хьехам беш?

КЪОВСАМ ЛОАТТАБАЦ СЕКСУАЛЬНИ ТЕЛХА ГІУЛАКХАШЦА. Дукхача мехкашка гомосексуалистехи, лесбиянкехи бу дина гІулакххой, хІаьта цара правительстван тІадожаду маІа саг маІача сагага маьре ваха могийтар. ХІаьта, кхыдола динаш сексуально телха лелар во лоархІаш дале а сатохаш да цо телхача гІулакхах. ХІаьта фу хьехаш да Деза Йоазонаш? Цу тІа кхетаргдолаш яьздаь да: «Іеха ма лелаш. Нахаца лелашбараши... маІача нахаца лелашбола маІа нахи... Даьла Паччахьалкхе чу кхоачаргбац» (1 Коринфянам 6:9, 10). Хьона довзий уж, сексуальни телха лелара сатийна хьежаш дола, динаш?

Фу хургда бохкабенна сомаш телача динашах? Іийса пайхамаро дІахайтад: «МоллагІа, дика сомаш ца луш йола гаьн, дІа а яккхе цІерал тосс» (Матфея 7:19). Цу дешаш хьагойт вайна, харцбола ди, овла а тІехь ца буташ, хІалакбергболга! ХІаьта, миштеи мацеи хургдолаш да из? Цу хаттарах дола жоп долаш да 17-чеи, 18-чеи йолча кортош тІа Деза Йоазон тІара Откровени яхача книжка тІа.

Харцбола ди хаьдда дІабалар мишта хургда?

ДІабІаргаоттаде: унзарча аькха букъ тІа хайна ягІа нахаца лелаш йола кхалсаг. Цу аькхана ворх корта а ба, итт муІ я (Откровение 17:14). Мала я из кхалсаг? «Лаьтта тІарча паччахьаш» ладувгІа цунга. ЦІе барзкъаш тІадувха цун, амарий баьцаш лелаю цо, цутІа чІоагІа хьал долаш а я из. ХІаьта, цо еш йолча амарашца «массадола халкъаш Іехаду цо» (Откровение 17:18; 18:12, 13, 23). Дезача Йоазонаш вайна хьагойт из бІеха лелаш йола кхалсаг — дунен тІа мел дола динаш да, аьнна. Цо викалал ду из къаьстта цхьа ди а боацаш, массадола, дохкаденна сомаш луш дола, динаш долга.

Из кхалсаг тІаягІаш дола аькха да — политически Іаьдалаш (Откровение 17:10—13). Харцбола ди цу политически аькхан букъ тІа а хайна багІаш ба ше яхачунга ладувгІайтеи цун кулгалдеи гІерташ.

ХІаьта касста хургба тамашийна хувцамаш. Дезача Йоазонаш тІа да: «Хьона бІаргаяйна итт муІи, хІаьта аькхи — царна гоамалургья из кхалсаг, хІаьта хІалакьергья из, ерзанйоаккхаргья, цун дегІ дуаргда, хІаьта цІераца йоага а ергья» (Откровение 10:16). Укх дунен тІара паччахьалкхенаш цІаьхха къиза тІакхетаргья цу харцболча дина, хІаьта из беррига хІалакь а бергба! Из дара фу бахьан хургда цар? Дезача Йоазонашта тІа Откровени яхача книжка тІа дувцаш да: «Даьлас дег чу дулларгда царна кхоачашъяйта ший уйла» (Откровение 17:17). ТІаккха Даьлас тІабехаргба харцбола ди жоп дала, аьнна, цун цІерах цо мел даьча бІехача хІамаех. Нийсонца лелашволча Даьлас политически Іаьдалашта тІагІолла, кхел ергья цунна.

Хьаьта Іа фу де деза, нагахь санна харцболча дина хиннар хьайна хилийта хьона ца ловша хилча? «Іоарадала цу чура са халкъ»— кхайкам бу Даьла малайко (Откровение 18:4). ХІаьта хІанз я ха цу харцболча дина юкъера хьааравалара! ТІаккха мичахьара лаха еза кІалхаравалара моттиг? Атеизме ваха веза? ХІаьта цун а яц тІехье (2 Фессалоникийцам 1:6—9). Цхьа бакъбола ди мара бац цу кІалхарвалара гІо деш. ХІаьта хьона мишта ховргда бакъбола ди малагІа ба?

Мишта бовзаргба бакъбола ди

Мишта дика сомаш бала беза бакъболча дино? (Матфея 7:17).

Бакъбола ди...

БЕЗАМАЦА ЛЕЛА. Бакъбола Даьла гІулакххой «укх дунен тІара бац». Царна юкъе къаман къоастамаш бац. Царна юкъе безам ба (Иоанна 13:35; 17:16; Деяния 10:34, 35). Фу а хуле а цара цІаккха а цхьаккха адам дувргдац (1 Иоанна 3:16).

ДАЬЛА ДЕШАХ ТЕШ. Бакъболча дино Іомадац «динан гІулакхаши» е «адамий Іомадараши»— цо ше мел дола ший хьехамаш хьаэц Даьла Деша тІара (Матфея 15:6—9). ХІана? ХІан аьлча, Деза Йоазонаш яздешболчарна уйлаш Даьлас еннай, цудухьа из пайда бахьаш да, цо Іома во, гучавоакх, нийс а во (2 Тимофею 3:16).

ДЕЗАЛАШ ЧІОАГІБЕШ БА, ДИКА ГІУЛАКХАШ ЛЕЛАДЕШ БА. Бакъболча дино моарошта хьехам лу «шоай истий шоай дегІамаш мо безаш хила». Кхалнах цо Іомабу «кІоргга лархІа шоай моарой». ХІаьта бераш Іомаду даьга-наьнага ладувгІара (Эфесянам 5:28, 33; 6:1). Цул совгІа, динан кулгалдеш бараша шоаш хьагайта деза шоай цІена гІулакхаш (1 Тимофею 3:1—10).

Уж тІадожараш кхоачашдеш бий-хьогІ цхьаккха ди? 2001 шера арадаьннача «Политика Холокоста» яхача книжка тІа яхаш да: «ДукхагІа бола нах Иеговай Тешаш Іомабеча бесси уж бахача бесси бахарий, хІаьта Холокости, геноциди цІаккха а укх дунен тІа хургьяцар» (Holocaust Politics).

Иегови Тешаш Дезача Йоазон тІарча Іаьдалах 235 мехкашка хьехам барал совгІа, шоаш а ба цу Іаьдалах бахаш. Оаха дехар ду шуга, Даьлас шунгара дІадехар фуд хара гІо де аьнна, Иеговий Тешашка кхайкам бара, шоаш Даьлас яххача бесса шо дахаргдолаш. ХІанз кІеззига ха йисай. Ладар хила йишъяц. Харцбола ди хаьдда дІабалар гарга да! (Софония 2:2, 3).