 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 1  |
Pathien Thumjaat Haw Nangman Namujou |
|
 |
Pathien thubusunga itabang thuloupii jao vam? (1) |
|
Pathien thubu nei Pu chu koi ham? (2) |
|
Ipijeh a Pathien thubu jiildinga kilawm ham? (3) |
1. Pathien thubu hi Pathien heenga konna amanlu peentah thilpieh khat ahi. Ngailutna neitah mipa khat nin achate haw ahinpieh lekha khattoh akilou ve. Ahiche chun pathienchu koiahi, ama chu ipipeen leenga pangahiti, pathientoh kikhutsaan meetna chungchangthu ijakaai thudihjaat jousie jongchu aphongdoh in ahi. Thunohbaotamhaw iti kisuhcham joutheidaan, kipanadihtah jong iti akimujou theidaan kitijaat jousejong ahilchien nin ahi. Pathien ngaichaatlam mujounadinga eihon ipi iboldiuham, tijongchu Pathien thubu khat leoseh bouvin ahet chiensah in ahi.—Labu 1:1-3; Isaiah 48:17, 18. 
2. Pathien thubu hi B.C.E 1513 kum ma kipan kum 1,600 sungahchun jaatchawm chieh mi 40 don nin asutdoh u ahi. Ahichechu lekhabuneo 66 bua kisukhomdoh ahi. Pathien thubu sundohhochu Pathien haikhumna changhaw ahiuve. Amahaw machaamma geldohthu hilouvin, Pathien nin alungdeilam thudihtah hawbou amahon ahinsutdoh u ahi. Chuti ahijehachu leisietchunga mihiem koimacha hiloubeh, vaan giljolla um Pathien khatseh bouchu Pathien thubu neipu ahi.—2 Timothy 3:16, 17; 2 Peter 1:20, 21. 3. Pathien thubuhi kichieh chepma ki sundoh jouva chintup jingdinga Pathien nin phatecha ahinbol ahi. Adang itabang le khabu jouse sanga Pathien thubuhi atampentah a kitet na kihomdoh ahi. Nangman Pathien thubu najiil jehchun mijousie kipahding hihih jonguleh ahiche jiehchun kisuh taang nan neihihbeh in. Nangma tonsot mailamchun, Pathien hetnatoh itabang kidoumahna kikah hijeng jongleh ama, lungdeilam natohna chung changa bou kingam ahi.—Matthew 5:10-12; John 17:3. |
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|