 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 2  |
Pathien Chu Koi Ham? |
|
 |
Adih peentah Pathienchu koihi a ama minchu ipi ham? (1, 2) |
|
Aman itabang vou anei hintem? (3) |
|
Amanei kidangtah aloupinajaat hochu ipipi ham? (4) |
|
Ama houna ahchun limhole melchihna jaat ho kijangleh dihnan tam? (5) |
|
Pathienthu ijiljounadiu jaatnichu ipipi ham? (6) |
1. Ijakai ajaatjaat hokhu mitamtah in kholumle houduol manchah nan aneiu ve. Ahivang in Pathien thubu in ADIHPENTAH Pathien khatsehbou aummetin ikawpih uve. Vaanle leichunga umjousie abon na ama hinsiem ahi. Eiho hinkhuo pepu ahijeh a chu amakhat sehbou ihoudiuva kilommong ahi.—1 Corinth 8:5, 6; Thuphon 4:11.
2. Pathien nin minloupi tamtah aneivang chun amindihtah khatsehbou aum me. Hiche aminloupichu JEHOVA ahi. Pathien thubu tamtah sungah chun Pathien minloupichu apeidoh u vin PAKAAI, ahiloule PATHIEN tin alheng in ajangu ve. Ahin Pathien thubu asut laiuchun Jehova, kiti aminchu vei 7,000 a akikouchu akimun ahi!—Potdohbu 3:15; Labu 83:18. 3. Jehova’n mellimkhat aneivang in hichelimchu eiholimtoh kiloulou ahi. Pathien thubu’n “Pathien chu Lhagao ahi” tin aseije. (John 4:24). Lhagaokiti eihosanga loupitah a asaanga jaatchom hinkhuonei ahi. Pathienchu koimachan amukhapoi. Jehovachu vaanna cheeng ahivang in imajousie ijakai amujouthei ahi.—(Labu 11:4, 5; John 1:18). Chutiahileh lhagao thiengchu ipiham? Hiche lhagaothiengchu Pathien tabang vouneikhat ahipoi. Achutiding sanga lhagaothienchu Pathien manchah athahat theinachu kisei ahi.—Labu 104:30. 4. Pathien thubu in Jehova loupinajaat hochu avetsah in ahi. Amaloupinajaat ho vangchu ngailutna, chamkimna, chihnale thahatna, ahitin aphongdoh in ahi. (Danbunina 32:4; Job 12:13; Isaiah 40:26; 1 John 4:8) Ama hengachun ngailutna, lungsetna, ngaidamna, kithopinomnale thohjouna hiche thudihho aman aneijietin pathien thubu in avetsah ahi. Eihon thungaaitah chapang neohotabanga amajengbouchu vetjuija itho diuchun akilommin ahi.—Ephesus 5:1, 2.
5. Eihon kholumle houna ahchun lim, siemthu milimho ahilouleh, liemnale melchihnaho noija kuna kholumding, ahilouleh ahichehokom machun thumletao kibolleh phanan tam? Akiboljou poi! (Potdohbu 20:4, 5) Jehova’n ama khatleosehbou houdin asei jin ahi. Aman ama loupinale athahatnahochu midangkhat, ahilouleh jaatchom khatcha chungajong aphellouding hopjong ahoppih louhelding ahi. Limhawchun eiho kithopijouna imacha thahatna neiloubeh ahi.—Labu 115:4-8; Isaiah 42:8. 6. Pathienchu itabanga eimahon kichensella hettheina ineidiu ham? Khatnan, amasiemjaat ho vetna ahichehochun ipikhu akopiham tichu lungthuh tahle lunggiltah a gelkhenna a kon na mudohding ahi. Pathien siemjaat hochun ama loupinale achihnalientah aummetin iseipih u vin ahi. Ama natoh, najaatjousie ahchun ama ngailutna jaat hochu akimun ahi. (Labu 19:1-6; Rome 1:20) Pathien chungchang thu hetkhen nakitding khatchu, Pathien thubu jilna a kon na bou kihedohding ahi. Hichechun Pathien nin keihi itabang Pathien kahitichu eihonlah ah eiphondohpeh u-vin ahi. Amalungdoi daan thule, eihochu ipi ibolsah nom muham tijongchu ihin thumoup u-vin ahi.—Amos 3:7; 2 Timothy 3:16, 17. |
|
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
