Jesu Christa Chu Koi Ham?

1. Jesu leisiet chunga ahung masangchun lhagaocha khat nin vaan nah acheengin ahi. Amachu Pathienin amasa peena asiemjeh a ‘cha masapeen’ tia kikou ahi. (Colossae 1:15; Thuphon 3:14) Jesu chu Pathien amatah in asiem chapakhat ahi. Jehova’n vaanle leichunga um adanghaw ijakai asiem na ahchun Mihiem chapa ahunghi masangchun Jesuchu natohna jaatjousie chungchangahchun “khut themtah” in ahin mangchah in ahi. (Thuchihbu 8:22-31; Colossae 1:16, 17) Pathien nin amachu athuloupi seijounale geldohna ahjongchun thuseithei na neipan ahin mangchah in ahi. Chuti ahijeh a Jesuchu “Thu” tia kikou ahi.—John 1:1-3; Thuphon 19:13.

2. Pathien nin achapa hinkhochu mariam oisung ah ahin chuonpih jouvin leisiet chungah ahinsol lhatan ahi. Hijehchun Jesu’n mihiem lah a Pa, aneilou ahi. Chuti ahijehachu aman imacha chonsietna, ahilouleh imacha chamkim lel goulo, na aneilou hel ahi. Thuloupi jaatthum jaala Pathienin leisietchunga Jesuchu ahinsol ahi: (1) Pathien chungchang thudih thuchu eihaw kihilchien nading, (John 18:37), (2) Eihon ivietjui theinadiuva chamkim um thudihtah chintup jouna ding (1 Peter 2:21), le (3) Eiho chonsietna le thina a konna iondoh theinadiuva aman ahinkho ahinphel dohding ahi. Ibol la hichehaw chu vaat ham?—Matthew 20:28.

3. Pathien daanthu ahinnitlou jehchun mihiem himasapeen adam chu Pathien thubuchun “chonsiet” nathutia ahinkou nachu ahinsuphel tan ahi. Chuti ahijeh a Pathienin amachu thina gaosap, achansah ahi. (Semtilbu 3:17-19) Aman Pathien teptena thupeh hochu aphahdoh jou tahlou jehchun chamkim najong aneijou tapoi. Awlawlin akum ahung tam chehcheh in athitan ahi. Adam min amachilhah jousie hieng a chun chosiet nachu ahinpeson dohtan ahi. Chuti ahijeh a eihojong ikum u ateh dungguija natnale veisietna a kona thina kitoh ahi tai. Mihiemte’n itabang huhhingna inei theidiu ham?—Rome 3:23; 5:12

4. Jesuchu adam tabanga chamkimtah mihiemkhat ahi. Ahivang in adam tawh akibahlou nachu ahahsa chungnung peentah lhepna noijachun Jesun Pathien chungah bulhingsel le chamkimtah in angaailhum keijin ahi. Chuti ahijeh a amachun adam chawnsiet nanoija kuon na ilhatdohjou nadiuva chamkimtah amihiem hinkhuochu atodawhjou ahi. Hichu Pathien thubun, “lhatdohna” tia vetsah lunggonjaat chu ahi. Adam chate haw jousie thinanoija kawnchun suochatna aneijouthei u ahi tai. Jesu tahsan jousechu chonsetnachunga ngaidam angadiu, tuonsawt hinkiem loujong changjoudiu ahi.—1 Timothy 2:5, 6; John 3:16; Rome 5:18, 19.

Jesu in houlam naa, atuohna ahchun hilchienna, akidang thilbawl nale eihawdinga ahinkho atodohding jongchu jao ahi

5. Jesu leisiet chunga aumlaichun aveisiehaw adamsah in akiel haw jengjongchu avahvaan, huuipihawjong aphuohthip min ahi. Athi hawjengjong akithaw dohsah in ahi. Aman chutabang datmaw thilkidang hochu i-bawlla abawl ham? (1) Hesoh genthei thuoh hochu aman alungsiet nin kithojong akithopi nuom me. (2) Aman akidang na ahintoh hawchun amachu Pathien chapa ahiti vetsahna saakhi jong ahi. (3) Vaannoi leisiet chunga leenga avaaipuoh teengleh thungaai luhaw dinga aman ahinbolpih dinghaw chujong vetsahna ahi.—Matthew 14:14; Mark 2:10-12; John 5:28, 29.

6. Jesu athi jouvin Pathienin lhagaovou khatnin ahindohsah in vaangama anungkaltou sahkit tai. (1 Peter 3:18) Ahichea kipenchun Pathienin amachu leengpa khatnin apansahtan ahi. Jesuchun vaannoi leisiet chunga um aphamaw jousiele hesohgenthei umjaatjousie chomkhatkah a asuhmang jouding ahitai.—Labu 37:9-11; Thuchihbu 2:21, 22.

Copyright © 2006 Watch Tower Bible and Tract Society of Pennsylvania. All rights reserved.