Diabol Chu Koi Ham?

1. “Diabol” kiti a-aithachu midangkhat chungthu ajoujou Lepche tah a thuphalou seipakhat kiseina ahi. “Satan” chu gaal, ahiloule kidou pipakhat seina ahi. Hichehochu aloupipeen Pathien doupa, apehminho ahi. Atil abulla amachu chamkimtah vaan tilkhat ahijehchun Pathien toh thakhat nin vaannah aummin ahi. Ahivangin nungchun ama akiliet sah in kholumle houkiti Pathien dingbou ahiti aman theinasan, adeichalheh tan ahi.—Matthew 4:8-10.

2. Satan hunghipa vaantilchun ‘guul’ khatnakon nin Eve chu thu ahinseijin ahi. Amanuchun Pathien thu anit naloudin ahinlhiep boljou tai. Hitichun satan nin “Pathien thanei vaipohna,” ahiloule amin sangpeen Pathien mun nganadin asaattan ahi. Pathien vaaipohnahi akhutnoijaa hodinga aphapeentah ahi, ahi lou aginmaw nadiuvin satan nin alungu asuchaveijin ahi. Mihiem jouse’n Pathien chunga thudihtah a achinjou achin lel aginmaw sahtan ahi. Chuchejaat haw abawljeh a satan nin amale ama Pathien dou gaal la suohdoh ahi tai. Ahichehaw jieh a ‘satandiabol’ tia amamin hungkilaang doh ahi.—Semtilbu 3:1-5; Job 1:8-11; Thuphon 12:9.

3. Mihiem tamtah in amachu kholumle hou na ahin neinadiuvin Ponthaw tah in ajoulhep me. (2 Corinth 11:3, 14). Miho alepbawlna jaatkhat chu, Hou dihmaw haw ahi. pathien nakon houlamkhat adihthu jaolouhel lin leepchee jouthun hiilchien pihna kineileh satan lungguon chu molso dohnakhat hiteiding ahi. (John 8:44). Adihlou housunga umhawchun, keihon adihtah Pathien kahou u ahitin lungdihtah in tahsan nuvin te. Ahivang in amahon adihmong a satanchu ahou u ahibou ve. Amachu vaannoi leisietchunga thunei vaaipuo Pathien ahi.—2 Corinth 4:4.

Adihlou houlam, thilha dawi themle jatmi ngailut na lungput hawchu milepbawl na ahibou ve

4. Thilha dawi thiem: thuchun mitamtah athaneina nuoija luoilut nadinga satan nin amanchah jaatkhat ahi. Amahon lhagao hawkhu akou u va amahaw chingtupding, adanghaw genthei pehnading, hung kilangding chungchang thu, aman aphuon dohnading, thukidang bolna ajaatjaat nachun amangin ahi. Satan nin anatuohna jaatjouse nungahchun engseetah in thaa anei je. Pathien lungdeilam mu nadinga eihon thilha doithiem choihaw chutoh kikhutjuop louhelding ahi.—Danbunina 18:10-12; Solchahte 19:18, 19.

5. Satan nin ijaatmi muongmuong tia kichawiat neinale gamvai polawiho, loupitah a akoina a kon najong mihaw aleep bawl nalai jie. Adanghawn eigam, ahilouleh eijaatmichu adanggam adangjaatmi sangin aphachungnung e tin atah sannu ve. Ahivang in hichu adihpoi. (Solchahte 10:34, 35) Adanghaw vangchun mihiemhaw thunohbaotam, suhcham nading in gam vaaipo hawkhu akineppi lheh u vin ahi. Chuta aboljeh u chun Pathien gam loupihi amahon adoumah u ahi. Hichechu eihaw thunawh baotam shuhcham nading a khatna ahi.—Daniel 2:44.

Jehova chungchang thu banjom min jil linlang Satan chu nawdoh in

6. Satan nin mihiemtie alepbawlna nom a jaatkhat chu- Chuonsiet natoh, kitimat lungtup ngaichaat haw a pateep nachu ahi. Chonsiet natawh kitimattawle lunggelchu eihawdin giin, umtah ahiti ahetjieh a Jehova’n hichehawchu Peidoh u vintia asei ahi. (Galatia 6:7, 8) Adanghon hitabang a chonnale khanna a amahawlah a najaodingchu deichalheh u vin te. Ahin ahiche naa, phamaw tuonghawlah a najaoding deichapachu satan amapeen ahitichu hejing in.—1 Corinth 6:9, 10; 15:33.

7. Satan nin nasatah a bawlsietna ahiloule kikalna chu mang chah in tin Jehova chu nadalhah a nachemang nadin nahin tilkhoudiu ahi. Nang in pathien thubu najil jehchun nangai lutpeen mikhatchun nachung ngah hatah in lunghang thei ahi. Adanghaw jongchun nataimaw u vin te. Ahivanga nangmahinkhuo papchu kawichunga chuding ham? Jehova chungthu banjomma najil jou lounadin satan nin nahu tuum nuom min ahi. Satanchu jawjouna pehihbeh in! (Matthew 10:34-39; 1 Peter 5:8, 9) Nang in diabol chu douvun langhilechun Jehova khu kipasah jouvin natin amathaanei vaaipuoh jongchu kavah chawije tia navetsah jouding ahi.—Thuchihbu 27:11.

Copyright © 2006 Watch Tower Bible and Tract Society of Pennsylvania. All rights reserved.