 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 5  |
Leisiet Dinga Pathien Lunggoun Chu |
|
 |
Ibawla leisiet hi Jehova’n asiem ham? (1, 2) |
|
Leisiet hi ipijieh a tua Paradaai, ahilouleh gamnuom tahkhat hilou ham? (3) |
|
Michonsehole agilouhochu iti tadiu ham? (4) |
|
Adammawhaw, akumtamma tehhaw, athihaw dinga mailama hungumding munnachu Jesu’n ipinaa, itohpieh dingu ham? (5, 6) |
|
Hungkilangding munnachun phattheina jaattamtah nangaajou nadinga nangman ipinaa, natohdinga vat nem? (7) |
1. Jehova’n hicheleisiet ahinsiemnalaw penchu leisietchunga mihiemchate tuonsotgeija nuomsatah a achiennadiuva asiem ahi. Aman leisiet chungahchun midihtahhawle kipathanop deihawchu a-imatih chenna achiensahnom ahi. (Labu 115:16; Isaiah 45:18) Vaannoi leisiet hi imatihchienna kisumanglouding ahijeh a ahichechu atonsot atonsotgeija umdet jingding ahi.—Labu 104:5; Thuhilpa 1:4. 2. Pathiennin mihiem asiemmasangin keh neochakhat leisietchu alheengdoh in hoinuomsel “houn” khatnin abollin ahi. Aman hichechu Eden houn, tin akou ve. Hichemunnachun mipa minu Adamle Evechu acheensah in ahi. Amahawdinga Pathien lunggonchu- “cha” tamtah apiensahlhonna leisietpumpi alodimsetsah lhonding ahi. Amanin nuomnuoma vaannoileisiet pumpihi Paradaai, ahiloule gamnuomtah asodohsah lhonding ahi.—Semtilbu 1:28; 2:8, 15
3. Adamle Evechun Pathiendaanthu, theinasa a asuhkeh lhonjeh a chonsietna chang ahilhon ne. Chuti ahijeh a Jehova’n amanichu Eden houn, apamlanga anawdohlhon ahi. paradaai, ahiloule gamnuomselchu amangtan ahi. (Semtilbu 3:1-6, 23) Ahivangin leisiet chungdinga amalunggounchu aheipoi. Mihiemte tounsotgeija acheennadiu gamnoumsel tahkhat, ahiloule Paradaaichu kabolpih diuahitin aman kitepna anei je. Hichu aman iti aboldohding ham?—Labu 37:29. 4. Hiche leisiet hi gamnuomtah, ahiloule Paradaai ahungsodoh nadinga migilou chonsiejouse ngimsella kisumangding ahi. (Labu 37:38) Hichechu chonsietgilou kisumang, akhonna nikhuo kichaini Pathien gaalsaat Armageddon, kitichu hunghiding ahi. Chujouleh Satanchu kum 1,000, kiheenchahding ahi. Hichechun leisiet susie migilouhaw jouse umlouhelding ahiti seina ahi. Pathien ngaailua amahou, mitebouchu hingdohdingu ahi.—Thuphon 16:14, 16; 20:1-3. 5. Chujouteengle Jesuchristachun hiche leisiet chunga hi kum 1,000 Leengvaai apouhding ahi. (Thuphon 20:6) Aman eihawlungle tahsasunga chonset nahawchu awlawla isuhmang pihdiu ahi. Eihaw vangchun Adamle Eve’n chonsietna abolmasanglhon tabangachu chamkimsel mihiem ihunghidoh diu ahi. Chujouleh netna, veisietnahaw, kumtama tehhole thina hawjong umtalouhelding ahitai. Netnale dammawna neihawjong hungnung damdoh u vintin akumtam ma tehsie, hawjong hungkhangdawng dohkitdingu ahi.—Job 33:25; Isaiah 33:24; Thuphon 21:3, 4. 6. Jesu’n Kumsangkhat avaaipouh Sungachun thudih neitah hawchun vaannoileisiet pumpihi gamnuomtah, ahiloule Paradaai ahidohnadinga hatah a ponthoding ahiu ve. (Luke 23:43) Asaangajaa a thihaw, jongchu mihiem hinkhuothah a hunghingdoh kitding ahiu ve. (Solchahte 24:15) Amahawkomma Pathien ngeh, jaat hawchu bawluleh leisietchunga imatihchenna cheengding ahiu ve. Achutilouva ahileh tonsotgeija kisumangding ahitaou ve.—John 5:28, 29; Thuphon 20:11-15. 7. Hitabangachu vaannoi leisietdinga Pathiennin atil abulla angaitohawchu amolsoudohding ahi. Hiche hungumding phetthei nahawpichu nangin nangaichat hih am? Nangin nangaichatna ahileh Jehova chungchang thuchu banjomma najilla ama ngeeh, jaat hawjongchu nangaidingin vatnin ahi. Jehova Saakhihaw Kingdam Hall, kiti kikhopkhom namun nachun che in lang gajaolechun ipipi boldingtia kiseihawchu naboljounadin kithopinale huuna nangaa jouding ahi.—Isaiah 11:9; Hebrews 10:24, 25.
|
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
