Pathien Gam Chu Ipi Ham?

1. Jesu leisiet chunga aumlaichun Pathien gamloupi dingin tao u vintin aseijui hawchu ahin hillin ahi. Gamkiti chu leengkhat lamkaija kivaaipouhna khatchu ahi. Pathien gamchu loupitah vaaipouhna khat ahi. Ahicheho chun Vaan nakonna kiloikhoma kiphutdoh ahin, hiche leisietchunga vaaipoding ahi. Pathien minloupichu athiensel sahding ahi. Pathien lungdeilamchu vaanna abulhin sahtabanga leichunga jong abukim sela abolding ahi.—Matthew 6:9, 10.

2. Pathien nin Jesuchu kagamloupia leenglientah hiding ahitin kitepnathu aneije. (Luke 1:30-33) Jesu leisietchunga aumlaichun aman lungsietna dihtah aneijehchun chamkimtah in vaaipounte ti vetsahna saakhi ahi. Ama vaanchunga anungkal touchun Pathien gam leengpa khatnin ‘laaltou’ na ahchun atou vaivei poi. (Hebrews 10:12, 13) 1914 kumchun Jehova’n akiteepna dungjuijin vaaipouh thaneinachu Jesu apedohtan ahi. Ahichejouva kipenchun Jesuchu Jehova pansah leengpakhatnin vaannah vaai apotai.—Daniel 7:13, 14.

3. Jehova’n leichunga thudihneitah pasalle numei adanghawchu vaanchunga kou, dingtin alheengdoh in ahi. Jesutoh thakhatna leenghaw, thiempu, pipuhaw a panga leisietchunga thunei vaaipouding ahiu ve. (Luke 22:28-30; Thuphon 5:9, 10) Ama leenggama amatoh kiloikhoma thakhatna vaaipouding hawchu Jesu’n “honlhom” tin akou ve. Amahaw abonnuvin 144,000 ahiu ve.—Luke 12:32; Thuphon 14:1-3.

4. Jesu leengpa ahung hihichun Satanle vaantil chonsee gilou hawchu vaanchunga konnin leisiet chungah ahinseplha tai. Hijehchun 1914, kumma kipen hiche leisiet chunga hi nasatah a khensietna, hungpungdoh ahi. (Thuphon 12:9, 12) Gaalhaat, kiellhah, veisiet, khensietna, ajaatjaatna atamchehcheh nahochun- Jesu’n vaai apoutai tile hiche vaannoileisiet khanggui, kichainadinghi kon alhungtaiti vetsahnale adang meelchih nahaw aguilhung joutaiti vetsahna ahi.—Matthew 24:3, 7, 8, 12; Luke 21:10, 11; 2 Timothy 3:1-5.

5. Phaat nai chakhat sunga Jesu’n thutan, ahin bola thu, aten tengleh kelngoi chingpan keltah lah a kelngoi achuomkhen tabanga chu ahinkhen ding ahi. “Kelngoi” hawchun ama ngailua ama khutnoijachu kahiuvetia amahole amahon hetkhenna Saakhi vetsah hochu ahi. Amahon leisietchunga tounsot hinkiemlou angaadiu ahi. “Keltah” hawvangchu Pathien gamloupi, khutsanlouva apai lhahochu ahiu ve. (Matthew 25:31-34, 46) Phaat sotlouhella, hung kilangding sungahchun keltah hawtoh kilou jousechu Jesu’n beihela asuhmang joukeiding ahi. (2 Thessalonica 1:6-9) Nangjong Jesu “kelngoi” nahinomleh Pathien gamloupi kipana thuphachu nangaija, nahintheidoh thudihhawchu dihtah a najuiding ahi.—Matthew 24:14.

Jesu vaaipouh nanoijachun kidouna, Lungbuohnei umtalouhielding ahi

6. Tu’n vang vaannoi leisiet hi, gamtamtah in akikhenin aum me. Ajaatmi ajaatmin thunei vaaipouhna aneichieh u vin ahi. Hichie gamneihochu khatlekhat chomkhat chomkhat akisaatto jiuvin ahi. Ahivangin Pathien gamloupichun mihiem thuneinale vaaipouhna jousie chunga akhelding ahi. Vaannoi leisiet pumpihi Pathien gamloupi khatseh bouvin thaneinale vaaipouhna aneiding ahi. (Daniel 2:44) Chujou phaatleh gaalsaatna, khansietna, pumthou nawhaatna, umlouhelding ahi tai. Mihiem jousiechu luungneeng tahle kitohdella jalandingahitave.—Micah 4:3, 4.

7. Jesu’n kumsangkhat avaaipouhna sungahchun thudihching hawjousie chun chamkimna ahinneiuva vaannoi leisiet pumpichu Paradaai, ahiloule noupna chungnung gamloupi hunghidohding ahi. Jesu’n kumsangkhat akichaijou tiengleh Pathiennin abolsah thiljousie aboncha a bulhing siella aboljousaa, hiding ahi. Chujouleh aman gamloupichu apa, khutsunga anunghietkitding ahi tai. (1 Corinth 15:24) Pathien gamloupi’n ibolpihdiu thiljaat jousiehaw chungchang thuchu nagoul napai, nasopi, nasanggam, nangailut haw jousiechu seipihle lechun phalouding ham?

Copyright © 2006 Watch Tower Bible and Tract Society of Pennsylvania. All rights reserved.