 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 7  |
Taona A Kon Na Pathien |
|
 |
Aphaattinle adihtah a taojingding ipijeh a khoh ham? (1) |
|
Koikomma kitaova iti kitaoding ham? (2, 3) |
|
Taona a manchahding thudihpenhaw chu ipi ham? (4) |
|
Itih phaatnin kitaoleh phan tiem? (5, 6) |
|
Akithum jousechu Pathiennin ngainan tam? (7) |
1. Taokiti Pathien komma kineosahtah a thukisei ahi. Aphaattin na Pathien komma taojingding angaije. Chutileh nangin nangai lutpeentah naguolpa khattabanga amachu nakingailutpi jouding ahi. Jehovahi alien chungnung peenle thahaat loupina neipeentah ahivangin alungdeitawh kitoh ithumjousieu chu aman ingaipih naove. Naang Pathien heenga aphaattinna natao jingnah am?—Labu 65:2; 1 Thessalonica 5:17. 
2. Houlam chungchanga Taokitihi loupitah a jaoahi. Chuti ahijieh a Jehova Pathien kommabou taoding kisam ahi. Jesu leisiet chunga aumlaichun ama apa, kommah ataojingin ahi. Adang koimacha kommah atao hihbeh in ahi. Eihawjong amabanga itaodiu ahi. (Matthew 4:10; 6:9) Ahivangin eihaw thumjousie chu Jesu minna konna ithumdiu ahi. Hichun Jesu panna phawm, munchu keihon ginlejaa kaneiuvin, aman ilhatdoh mannu aloupijongchu katahsanlheh u vetia vetsahna ahi.—John 14:6; 1 John 2:1, 2. 3. Taona ineiteengule ilungsunguva konna Pathien henga taoding ahi. Itaonahaw u chu chinpha a simma- ahilouleh taonadaan kisundoh lekhabusunga chinpha a taonanei kitichu dihlouhiel ahi. (Matthew 6:7, 8) Itabang, itihphaat, hoichemun, hijieng jongleh eihaw kitaothei ahi. Pathiennin aw, ginglouva ilungsunguva itaou jongchu ajanai. (1 Samuel 1:12, 13) Eiho kinle thou chungchang dinga taona ineitiengu leh mitoh phabepkhat kilaatnamun lhanchu aphai.—Mark 1:35. 4. Ipi thujaat ho kithum jou vam? Pathien le nang nakingailut nalhon chungchanga aphet chawmna hisahjou, ipitaonajaat hijiengjongle aphanai. (Philippi 4:6, 7) Vettuohsah tao naahchun eihon Pathien Minloupile alunggounjaat hawchu thum mintin asei je. Eiho tahsalama dinga avaat haw kithopi nading, ichonsiet nahaw-u ngaidamnading, lhiepna hawjong toumdoh jounadin neikithopin tia kithum jouthei ahi. (Matthew 6:9-13) Itaonauvachu eidingleosieh thumlouding. Pathien lungdeilamtoh kitouhding thujaat hobou thumding angai je.—1 John 5:14. 
5. Pathienchu, kipapiding ahiloule vahchoi jiengdinga nalungsunga ahung kiphondoh phaattinna natao jouthei ahi. (1 Thusimbu 29:10-13) Nangin thunoh baotam natoteengle, ginchaat tahsanna chungchanga Patepna natoteengle, taona maangin. (Labu 55:22; 120:1) Nehlechah naneh masangin taovin. (Matthew 14:19). Jehova’n “aimatih chanin” keikommah taouvintin ikou u vin ahi.—Ephesus 6:18. 6. Chonsietna lientahkhat kiboldoh taleh apipena taoding ahi. Ahiche hawtabang akituoteengleh Jehova komma amalungsiet nale ngaidamna ingajou theinadiuva taoding ahi. Amakom ma ichonsiet nuchu ahinaitia seidohding ahi. Ahichie chonsiet nahawchu banjomma bolloubeh nadinga gunchutah a napotthaw a ahileh ngaidam napedingpa Pathienchu Phasadiemma um ahi—Labu 86:5; Thuchihbu 28:13. 7. Midihhaw taonabouchu Jehova’n angaai je. Nang taonajaat hawchu Pathien nin angai nadinga ama daanthu dungjuija nahinthei nadin ponthon. (Thuchihbu 15:29; 28:9) Nataopeet sungahchun kineosahtah a naumding ahi. (Luke 18:9-14) Nangin nathumjaat haw na ngaa jounadinga Pontho tahle kinemtah a toh navet sahding ahi. Chuphaat le nangin tahsan naneijetile naseijaat haw chun adihtah asei ahiti vettohsah saakhin pangnan te. Chubouchun nataonajaat hawchu Pathiennin nahet sahding ahi.—Hebrews 11:6. |
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|