 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 9  |
Pathien Sohteho Thiengsela |
|
 |
Eihohi ijakaichunga ibolla thiengsela umdinga kisam ham? (1) |
|
Lhagao lama thien na, (2) Umchen hoi thien na, (3) Lunggel thien na, (4) Lahsa thien na kiti ipi ham? (5) |
|
Itabang ningset, hamthienglou kiseinaho chunga ikikang sedohdiu ham? (6) |
1. Jehova Pathienchu thiengsel ahi. Aman ama houho hengahchun lhagao, umchanhoi, lunggelnale tahsa, hicheho chungchanga thiengsela iumdinguvachu kinemtah ahi. (1 Peter 1:16) Pathien maija thiengsela iumjounadiuva gunchutahle adihtah a ipotthodiu ahi. Eihohi thienna umloubeh hiche leisetchunga cheeng ihiuve. Eiho tahtah in adihlou bolnomna lungput hochu pailhah nadinga hatah a ponthawding ihiu-ve. Chuti ahijehachu eihon khut lhahsamna neilouding ahi. 
2. Lhagaova thienna: Jehova Pathienchu nahounoma ahile adihlou houlama athu hilhawule angainadan hawuchu juilouhelding ahi. Eiho adihlou houlama ipawtdohdiu, hiche adihlou houlamthudol chungchanga imachacha hunale kinoptopina neilouhelding ahi. (2 Corinth 6:14-18; Thuphon 18:4) Pathien chungchangthu adihtah ihetjou phat uvachu adihmaw houhil haw lepbol hilchien nahaw a chu kigingjinga umding ahi.—2 John 10, 11. 3. Umchan hoi thien na: Jehova’n ama houjousen aphattintanga adihtah christante kahiuvetichu umchanphaneija umjingdingchu adei ahi. (1 Peter 2:12) Eiho guhthim thilbol jouseuchu aman amule ahet ahi. (Hebrews 4:13) Eiho kicheenna chungchanga kitup joulounale mihiemlah a adang athenglou tohlegel ho chunga kona kikang sedohding ahi.—1 Corinth 6:9-11. 4. Lunggel thienna: Thiengsela igeldoh hawuchu eiho lungsungah mop dimleohen eihochonnale khenna ahjongchun thiengnante. (Philippi 4:8) Hiahchun athienglou jaat hochu aphattinin lungsungah kigeldoh jingleh thet um gitlouna a tohnahobou hungumdoh inte. (Matthew 15:18-20) Ilungu suboh jouthei golnop kipanajaat kibol hotabang jousechunga kikangseding angaije. Pathien thu jilnaakonin thiengsela igel hawuchun ilunguchu hetbepihjou nante. 5. Tahsa chunga Thenna: Christan techu Pathien malpu ahijehuva amahotahsale akivonnao nihchen ponsil hojong thiengselding ahi. Eiho iposojou phatuleh ikhot u silngimselding ahi. An naneh masang ahilouleh nehle chahdingho natham masangin nakhut silngimselin. Ehbuh kijentahkhat aumlouleh naposojou phatleh leijin nungvuh khumlechun phante. (Danbunina 23:12, 13) Tahsachunga thien umchu damtheina ahi. Christan mikhat ainsungjong ainpamveljong nomsela athiensel sahdinga pha ahi. Vengsung khatna amachu midangtoh vettohkahdinga aphapenle choiat neipena kithang leh phante. 6. Thuthenga Hamding: Pathien lahchate hochu aimatih chena thudih tahbou seijingding ahi. Mijoule milepchehochun Pathien gamloupichu alawloudiu ahi. (Ephesus 4:25; Thuphon 21:8) Christan chaten kiidahle ningset um thujaat hochu manchah a neija seiloubehding ahi. Amahon thienumlou kiidahnale ningset nahochun tuotnopnan seijong aseippouve ngaijong angaipouve. Amahon thudihtah thuchu thiengsela amanchah jehuva school ahiloule anatoh namunna mihole ainvela mihodingchun midanghotoh akibang pouvetia kidang ahi.—Ephesus 4:29, 31; 5:3.
|
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
