 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 10  |
Pathien Vetda Umtah Chonnale |
|
 |
Pathien nin aphapoitia aseijaat hochu nangman iti nakhutsandinga kilawm ham? (1) |
|
Mihiem kitimatna chungchanga itabang tohle gel hochu dihlou ham? (2) |
|
Joulhep? (3) Sumlepaija kichiep? (3) Guchat? (3) Pumthou nawhat? (4) Thilhadoithiem? (5) Judawnval kitihochu christan mikhatnin iti amudinga kilom mam? (6) |
|
Umchanphalou lunggelnahaw a konchun mihiemkhat iti kihe thiemthei jintem? (7) |
1. Pathien sohchaten aphajaat jousechu angailuvin ahi. Ahivangin aphamowahi kitijousechu ahawtdingu ahi. (Labu 97:10) Ahichechun Pathien deilou chondihmaw nahoakonchun kikangsieuvin atina ahi. Hiche chonlegel adanghochu ipiham? 2. Jonthanhoi: Kigopna neimasanga kitimet, midangjalkhun suboh, ganchatoh kitimet, thisan kinaipitahtoh kitimet, pasallepasal numeilenumei kitimet, hicheboljaat kitihojousechu Pathien chunga chonsetna lienpeentah suhkhelnanei ahiu-ve. (Thempudan 18:6; Rome 1:26, 27; 1 Corinth 6:9, 10) Akideitil golchateni kigopna neilhonloulaija thakhatna umbom ahilhonleh, kikhena achomcheh a umding angaije. Achutilouleh daan ngainan kigopna neilhonleh phaahi.—Hebrews 13:4.
3. Jousei, sumlepaijakichiep, guhchaat: Jehova Pathienchun thujou aseithei louhel ahi. (Titus 1:2) Ama maisohoi ngaicha mihon joulhepthu seina a kikangseding ahi. (Thuchihbu 6:16-19; Colossae 3:9, 10) Sumlepaija kichiepho tabang jousechu kilosetnatoh kikametjing ahi. Chuti ahijehachu christanten vangvetna a thilkibol kichiepna, sakol kielle, binko, kichepnajaat hotabanghihen ipikichepnajaat hijengjongleh amaho jaolouhel ahiu-ve. (Ephesus 5:3-5) Chujongle christante gujong guchalou ahiu-ve. Amahon guh thil ahiti theinasa a achohlou tabanguva ainneiumlou koimacha thilkeojong lalouhel ahiu-ve.—Potdohbu 20:15; Ephesus 4:28. 4. Lunghan, khansietna: Lunghan kiti, ilungu ituhkih laljeh u va khansietna kimolso sahdohji ahi. (Semtilbu 4:5-8) Pumthou nawpa khatchu Pathien jolpa hijoulouhelding ahi. (Labu 11:5; Thuchihbu 22:24, 25) Midangin eihochu thudihlou thuin ibol engseuleh eihon kile pathuhna, ahilouleh lunghangtah a kiphulah, kitihochu dihlousamsam ahi.—Thuchihbu 24:29; Rome 12:17-21. 5. Mitphiel Dawithiem hole thilhadawi thiem: Mi adangin miveiseho lhagao thahatna a kona adamthei nadiuvin ataojiuvin ahi. Adanghon akidou piuho natnalesatna, ahilouleh athinadiu geijin bumthun aboljiu-ve. Hitabang kimangjousie nungahchun Satan thahatna aumme. Hijehachu christanchaten ahicheho khatchacha tohchun kivoppi louhelding ahi. (Danbunina 18:9-13) Midangin eihochu bumthua ibolnomuleh aboljoutheiu ahijehchun aphapen kiselnamunchu Jehova koma kingaijinga umding ahi.—Thuchihbu 18:10. 6. Judon val: Wine, beer le adang donthei aphabep dawnchu aphamopoi. (Labu 104:15; 1 Timothy 5:23) Ahivangin avalvala dawnchu Pathien mainoijadin adihhihbeh e. (1 Corinth 5:11-13; 1 Timothy 3:8) Ju, avalvala dawnchun damtheinachu asusie in, insungmite kikhen chaveinajong aumdohsahjin ahi. Adang lhepnale jolnaho ahjongchun anawm vangveijin ahi.—Thuchihbu 23:20, 21, 29-35. 7. Aphapoitia Pathienin aseijaat hochunga gelletoh hochu “Pathien gam alo lou” heldiu ahi. (Galatia 5:19-21) Nangin Pathienchu atahbeh a nangailutna amadeilamtoh kitoh a najuinomleh hiche gelletoh nahoahchun potdohjouding nahi. (1 John 5:3) Pathenin aphaloubeh ahitia aphondoh hochu nanginjong namudajou theinadin kihilchienna neijin. (Rome 12:9) Pathienthu lamdihtah juihotoh kivopmin. (Thuchihbu 13:20) Pathien thudihtah chingajui milui, christan hawtohchun kikhut jopminlang kivopkhom pilechun nangdin phachomlheh inte. (Jacob 5:14) Adanghosangin kithopinale huna naneijou theinadin Pathien kommah kiniemtah in taojingin.—Philippi 4:6, 7, 13. |
||
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
