 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 11  |
Pathien Deijaat Toh Kitouhlou Tahsanle Ngaina |
|
 |
Aipihotabang tahsanle ngaina daanchu dihmo ham? (1) |
|
Pathienchu thum, kigom Pathien khat ahitia christanten itahsandiu ham? (2) |
|
Christan dihtahten Chrismas, Esta ahiloule Peenna nikhohochu ipida abollouu ham? (3, 4) |
|
Mi thihon ahinghochu hesohgenthei apehjouu vam? (5) |
|
Jesuchu thingpelchunga thi hinam? (6) |
|
Pathien deijaat mujounading, itabanga khoh am? (7) |
1. Tahsan ginchatle ngaina daan hochu abonna aphalou ahipoi. Ahivangin ahichehochu houdihlousunga hungkawndoh, ahilouleh Pathien thubu hilchien nahawtoh kitawhhih behhen jaatchawm hileh hichehochu Pathienin adeiloubehding ahi.—Matthew 15:6. 2. Thiengthumkhat thu: Jehovachu apa, acha, lhagaothieng thumkigoma khatleoseh Pathien hiam? Ahipoi! Apa hipa Jehovachu “Pathien tah khatseh” ahi. (John 17:3; Mark 12:29) Jesuchu achapamasapeen ahin, Pathien khutnoijaum ahi. (1 Corinth 11:3) Apachu chaa, sanga lienchungnungjo ahi. (John 14:28) Lhagaothengchu vouneikhat ahipoi. Pathien manchah thahatnakhat ahibou-ve.—Semtilbu 1:2; Solchahte 2:18.
3. Chrismas le Esta: Jesuchu December 25 nia peengahipoi. Kelngoi chinghon amaho kelngoi honchu nilhah phatleh in pamlanga akoilaiu October 1, nikhat veldungachu peengahi. (Luke 2:8-12) Jesun amapeenna nikho, naboldiuahitia christantechu anahillou hel ahi. Chusanga amathina nikhojohchu heiloubeha, ahilouleh aphattina nageldoh jingdiuahitin aseijuihochu phatahin ahille. (Luke 22:19, 20) Chrismasle ahiche ngaina daanhochu masanglaipeh houdihmaw lah a hungkipandoh ahi. Easter, chonle ngainadaan hochun- tuui, le boi, ho ajahujong ahicheho bepbepchu ahi. Malai Christan hochun chrismas, le Easterho anamanlou tabanguva tulai christan dihtahtehonjong manglou bolloubeh ahiu-ve. 4. Peenna nikho kileam: Pathien thubu sunganasei Peenna nikho jaat nichu Jehova houlouho bouvin leamnaa anaman chahu ahi. (Semtilbu 40:20-22; Mark 6:21, 22, 24-27) Masang christanten Peenna nikhochu anabollou, manjong anamanloubehu ahi. Peenna nikhobola leam kitichu masanglai angaina daanule houdihmo lahakona hungpotdoh ahi. Christan dihtahhon kumkhatsungle adangdangphaat hoahchun kipanopnan khatlekhat thilkeo imamaho akipetou jiuvin lengjong alengkhom jingjiuve. 5. Mithiho Kiichaat: Mithihon imacha aboljoutapaove, chule imachajong angaicha theitapove. Amahochu eihon hujong ihuthei tapaovin ahi. Eihojongchu amahon hesohgenthei ipejou tapouve. (Labu 146:4; Thuhilpa 9:5, 10) Lhagao soulchu athin, athijouchun ahingsuon, hihuve. (Ezekiel 18:4) Ahivangin thilhagilouva kikou chonsegilou vaantilhochu veikhat toutou mithiho lhaan, ahungkisiem jiuvin ahi. mithihochu kiichaatding, ahiloule houdingkitichu ipidaan, ipingaina hijengjongleh dihlouhel ahi.—Isaiah 8:19. 6. Thing pel: Jesuchu “thing pel” chunga thi ahipoi. thinglhonkhat, ahilouleh thingkhuom chungkhatna thi ahibouve. Pathien thubu atam penna kiledoh sungahchun thingpeltia kiledoh Greek paova thing lhonkhattia kiseina ahi. Thingpel melchihnachu masanglai houdihloulaha hungkondoh ahi. Thingpelchu masang christanten houna a ajahlou tabanguchun houjong anahoupo-ve. Achutileh nangin thingpelchu hounaah kijangleh dihnantetia nangaitom?—Danbunina 7:26; 1 Corinth 10:14. 7. Adang tahsan ginchatnale ngainadaanho Pailhahdingchu hahsa lhehnante. Nagolnapaile nasopiten natahsannaa nakihei dohlounadin amaho tahsanlanga naheilut diuchun hungpontho lhehuvinte. ahivangin Pathien deilamtoh kituodingchu miho lungdeilamtoh kituosanga hataha khohjo ahi.—Thuchihbu 29:25; Matthew 10:36, 37 |
||||||
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
