 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 12  |
Hinkhuole Thisan Chunga |
|
 |
Hinkhohi eihon iti imudihdiuva pham? (1) Chunggih, kisuhmang jong iti kimuleh phan tam? (1) |
|
Lungsung thiendanchu christanten iti ivetsah u vem? (2) |
|
Ganhinghaw thakiti dihmaw am? (3) |
|
Hinkhochunga aloupina vetsahlouva atoh ule agelu adangchu ipi ham? (4) |
|
Thisan chungchanga Pathien thupeh daanchu ipiham? (5) |
|
Chuvachu thisankhumdingtia jaovam? (6) |
1. Jehovachu hinkhuo bulpi ahi. Hinkhuo neijousien Pathiena kona hinkho kingacheh ahi. (Labu 36:9) Hinkhuohi Pathiendinga loupitah ahi. Peengdoh loulai anu oisunga naosenhaw hinkhojongchu Pathiendinga loupi ahi. Khangtoutouva hungliendoh naosenkhat, theinasa kithat ahijeh a Pathien mitmua mawlentah a maw ahi.—Potdohbu 21:22, 23; Labu 127:3.
2. Christan dihtahhon kiichaatlegin, abeitheinadin kichihsahjingin aummuve. Amaho motolcar hole ainho u bitkeija aumnadin avetupjing uve. (Danbunina 22:8) Pathien sohchaten golnopbol, ahilouleh lungjaat, lungkithawkang neinadin pannabei chungchang ahchun kisepgaamna bolhihbehuvin te. Chutiahijeh a midanghochunga theinasa kisuhsetnale hamsatah a kichiepna, ahilouleh gulseh, bolnaho ahchun jaolouhel ahiuve. Khansietna a thapeh, lasahle laam, guolnawp bolnalah ahchun amaho akikang sedohuvin ahi.—Labu 11:5; John 13:35. 3. Ganhing hinkhuojonghi asiempadinga loupitah ahi. Christan khatnin nehlechah nihchenponsil nganading, ahilouleh natnale satna, kiichaatle gin umna a eile ei kihontup nadinga ganhinghochu kithatjouthei ahinai. (Semtilbu 3:21; 9:3; Potdohbu 21:28) Ahivangin ganhinghohi noisenale vetdamana, ahilouleh thanopman sehseh a kithatchu dihmolheh ahi.—Thuchihbu 12:10. 4. Thanopna tabanga jaacheep, kuvalhaile khamnajaat hojousiechu christan teding ahipoi. Hiche bolle gel hochu dihmolheh ahi. Ijeh innemitile (1) Eihawchu ahichehochun soh in ineiuvin, (2) Itahsa pumpiujong agenthei sahdoh in, (3) Eiho suhboh a pang ahi. (Rome 6:19; 12:1; 2 Corinth 7:1) Hiche ngainaho Pailhahdingchu hahsalheh inte. Ahivangin Jehova lungdei itojounadiuva ahiche jaat hojousechu ipeilhah mongdiu ahi. 5. Thisanjonghi Pathien mitmudinga loupitah ahi. Pathienin soul, ahilouleh hinkhohi thisana kingaai, ahitin aseiye. Chuti ahijeh a thisan neh, hi dihlouhel ahi. Athii, phatah a kilhohdohlou ganhingsa kinejongchu dihlou ahi. Ganhingkhat alolkimehlih, ahilouleh thaangle piela kipo athihosachu nehlouding ahi. Teenga kisun ahilouleh thala kikaplih hochu nehdingtia nagotmong ahileh ahinkho abeimasanga menggangtah a athisanchu lhohdoh ding ahi.—Semtilbu 9:3, 4; Thempudan 17:13, 14; Solchahte 15:28, 29. 6. Tahsasunga thisan khumdingtia khutsanchu dihnan tem? Jehovan thisanchungah kisepkanguvintia athumchu millouhellin geldohjingin. Hijehchun midangthisan, ahilouleh eimatahsa sunga kilhohdoh thisan, hochu eihotahsasunga kinungkhum joulouhelding ahi. (Solchahte 21:25) Chutiahijeh a christan dihtahten hiche thisan khumding kitichu khutsan hihbehuvinte. Amahon thisanjaolou “loutui” kikhumle adang kijenna louhochu akhotsah naove. Amaho ahin nuom vanguvin Pathien peh daanthu nitlouna a konna ama hinkho kijopbe nadingchun Pontho pouvinte.—Matthew 16:25. |
||
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
