 |
Beliefs | Future | Medical | Topics | Contact Us | Publications | Languages |
| Pathien nin Eihaw Koma Ipi Athum ham? | Simmun 13  |
Hou Adihpen Tah Chu Nangin Iti Namujou |
|
 |
Houjousie abonna Pathien lungtoh kituohnading ham? Ahilouleh khatsehboutoh kitohding ham? (1) |
|
Christantia minkivo houtamtah ibola um ham? (2) |
|
Christan dihtahhochu nangin iti nahetkhen jouding ham? (3-7) |
1. Jesu’n christan hou, adihpeentah khat ahinphutdoh in ahi. Hijehchun tun Jehova Pathien hi adihlamtah a hou, jaatkhatsieh, ahilouleh loikhatsiehbouva umding ahi. (John 4:23, 24; Ephesus 4:4, 5) pathien thubu’n hinkhuo lamjum, chungachun mijaatlhom chakhatbou aummetin ahil chen nin ahi.—Matthew 7:13, 14. 2. Solchahho athijou nunguchun adihlou thuhilnale christan tahsan kichiehlouna, gelle tohhochu ololin houbung sungah hunglut nintetin pathien thubun aseimasan ahi. mihochun atahsanhochu Jesunung ajuisahsanguvin amahonungjoh ajuinadiuvin akiheei dohdiuahi ati. (Matthew 7:15, 21-23; Solchahte 20:29, 30) Hijehachu christan mina kivoho houlam kikhenaum jaattamtah kimudoh ahi. Adihpeen christan hihochu eihon iti ihetkhan joudiu ham? 3. Adihpeentah christanho apipeen melchihna khatchu, amaho khatlekhat kingailutna dihtah aneiuchu ahi. (John 13:34, 35) Amahochun jaatdangmiho, ahilouleh mele voukidang neihosangin aphapeenle achungnungpeen kahiuvetin hilchiena aneipouve. Adang gama mihojongchu muda vetdadingtinjong kihilna aneipouve. (Solchahte 10:34, 35) Hijehchun gaal kisaat naahchun amaho ajaopouve. Christan dihtahhon khatlekhat sopi sanggam ulenao tahbehbanga kikhutsan ahiuve.—1 John 4:20, 21.
4. Houdih, nunga melchihna khatchu amaho houbungchaten- Pathien thubu hi loupile jaa,umtah a angailut u chu ahi. Ahichechu Pathien thubutia akhutsanuva atahsanu ahi. (John 17:17; 2 Timothy 3:16, 17) Pathien thubuhi mihiemlunggel, ahiloule ngainadaan hosangin aloupipeenetin alungsunguvah akichindet jinguve. (Matthew 15:1-3, 7-9) Nisieh amaho hinkhonei sungachu Ponthotah a pathien thubu dungjuija hing ahiu-ve. Hijehchun amahon alhangsap u jaatchom anatoh u jaatchom hiloubeh ahiu-ve.—Titus 1:15, 16. 5. Adihtah houchun Pathien minloupichu choiatle jaa umtah ahiti vetsahna ahi. (Matthew 6:9) Jesu’n Jehova kiti Pathien min loupichu midangholah a anaphonjal ahi. Christan dihtah honjong chutabanga bolding ahi. (John 17:6, 26; Rome 10:13, 14) Pathien minloupithu jaatdang milah a seiphongleho, nacheenna velsunga kawi ummam? 6. Christan dihtahhon Pathien gamloupithu seijingding ahi. Jesu’n hitabangachu anabol ahi. Pathien gamloupithuchu aphaattina aman anaseijing ahi. (Luke 8:1) Leisetchung muntina ama seitabangbanga aseijuitenjong alhangsap nadiuvin ahilin ahi. (Matthew 24:14; 28:19, 20) Pathien gamloupi bouvin leisietchungah adihtah chamnale lungmona Pejouvintetin christan dihtahhon phatechan atahsanu-ve.—Labu 146:3-5. 7. Jesu seijuihon helkhatchajong chonsiet gilou, vannoija anahipou-ve. (John 17:16) Amaho leisietchunga vaaipoho thunoh baotamlah ahle mihiemchungthu kinelna a jongchu jao louhel ahiu-ve. Leichunga ima hitaloubehahivanga giinle kiichat umchunga naa,phamoho tohlegel lungput dihmoho ahchun amaho akikang seuve. (Jacob 1:27; 4:4) Nacheenna vella christan adihtah hou, melchihna ho nei loikhatchu nangin naloikhana namujouthei hinam? |
||
1997 kuma ki so ahi |
  |
Copyright © 2006 Watch Tower Bible and Tract Society of Pennsylvania. All rights reserved. |
|
