1. Tun nangin Pathien thubusunga thudihjaat tamtah nahetdohjou ahitan, nahetdoh hiche chihnale thepnahochun christan melputna dihtah molsojounale kilimbolnan kihisahleh pha ahi. (Ephesus 4:22-24) Tonsot hinkemlou ngajounadinga hitabang chihnale thepnachu nangdinga vatmongmong ahi. (John 17:3) Chujehachu midanghonyong kipanathupha ajahdiuvavaat ahi. Chutiahijeh a chu amaho in jong huhhingna aneithei dingu ahi. Christan dihtah hojousen midanghochu Pathienthu hettohsahna Saakhi bolla vettohsahna neichehding ahi. Hichu Pathien seithupeh ahi.—Rome 10:10; 1 Corinth 9:16; 1 Timothy 4:16.
2. Nangin nahinjil thuphajaat jousechu, nakineipi navelaum miholah a naseikhenna a konnachu kipetna naneijouthei ahi. Nainsungmite, naguolnapai, School nakaibompiho naa, natuohnamuna naloihochujong seipih in. Chuta naseikhanpih naahchun lungseetnale lungneem, chu vetsahding ahi. (2 Timothy 2:24, 25) Mihon, mikhat thuseijaat ho angainomsanguva ama mellimputdan,aumchanho, johchu avejiuvetichu geldoh-in.Hijehchun ahoipeen nachon na le nakhandanho chun naseithuphachu midanghon ahinngai theinadiu chulelung lutna ahinneidiu-ahi.—Matthew 5:16; 1 Peter 3:1, 2, 16.
3. Nangdingin ahijou theinaphat ahunglhuntengleh Jehova saakhi houbungmitetoh, thakhatna nakipetna Pathienthu naseiphongna a konnachu aje ajang nahinhetdohdingahi. Hichechu nakhantou nadinga akhohpeentah, khatna kalson ahi. (Matthew 24:14) Midangkhat Jehova sohchakhat hin hisahdoh inlang tonsot hinkemlou, anganadinginjong hin kithopidoh, joulechun, itabangkipana umtadingham!—1 Thessalonica 2:19, 20. |
