 |
Beliefs | Future | Medical | Topics | Yu Singaot Mifala | Publications | Languages |
Ol Witnes Blong Jeova—?Oli Hu? ?Wanem Bilif Blong Olgeta? |
  |
Smol Toktok We Mifala i Wantem Talem Long Yu
Mifala i glad we yu ridim toktok blong mifala long buk ya. Mifala i hop se yu glad blong kasem moa save long saed blong ol Witnes blong Jeova. Mifala i wantem talem long yu se yu welkam enitaem blong kam long ol miting blong mifala long Haos Kingdom. I gud sipos yu kam luk se ol miting blong mifala oli olsem wanem. Bambae yu save luk tu olsem wanem mifala i traem serem gud nius long olgeta man se wol ya bambae i kam wan paradaes taem Kingdom blong Kraes bambae i rulum wol ya. God i mekem promes ya. “God i promes finis blong putum niufala skae mo niufala wol, we stret fasin nomo bambae i stap long hem. Mo yumi stap wet long ol samting ya blong oli kamtru.” (2 Pita 3:13) Plante handred yia i pas finis. Taem ya we yumi stap wet long hem i stap kam klosap nao. Ol samting we oli stap hapen long wol oli pruvum samting ya. “From we yumi save se Dei ya we Masta blong yumi bambae i jajem olgeta man long hem, hem i kam klosap finis,” aposol Pol i talem se, ‘i gud yumi stap tingbaot yumi, blong yumi givgivhan long yumi blong mekem yumi strong blong lavem ol man, mo blong mekem ol gudfala fasin. I nogud yumi lego ol miting blong kongregesen.’ (Hibrus 10:24, 25) Mifala i glad sipos yu folem advaes ya blong Pol mo yu kam joen wetem mifala long ol miting blong mifala. |
Oli Printim Long 2008 |
 |